Matukũ 28, Mwei wa 4–Matukũ 4, Mwei wa 5
NTHIMO 11
Wathi 90 na Mboya | Ndeto sya Kwambĩĩa (Ndat. 1)
1. Ndũkawete Ndeto Nthũku!
(Ndat. 10)
Ndũkawete ndeto itonya kũũmĩsya “mũtũi” waku (Nth 11:9; w02 5/15 26 ¶4)
Ndũkawete ũndũ ũtonya kũete mũaanĩko (Nth 11:11; w02 5/15 27 ¶2-3)
Ndũkavuanyʼe ũndũ wa kĩmbithĩ (Nth 11:12, 13; w02 5/15 27 ¶5)
ŨNDŨ WA KŨVINDĨĨSYA: Ndeto sya Yesũ ila syĩ ĩandĩkonĩ ya Luka 6:45 itũtetheeasya ata twĩvathane na ũneeni ũtaĩle?
2. Ũthwii wa Kĩ-veva
(Ndat. 10)
-
Nth 11:17—Tũtethekaa ata tweethĩwa na tei, kana tweeka angĩ nesa? (18.11 30 ¶4-6)
-
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Nth 11:1-20 (th ĩsomo ya 5)
4. Kwambĩĩsya Ũneenanyʼa
(Ndat. 4) KŨTAVANYʼA WĨ MAŨNDŨNĨ MAKU. Mantha mwanya ũtavye ũla ũũneena nake ũndũ ũneemanyĩisye ũmbanonĩ mũvĩtu. (lmd ĩsomo ya 2 ũndũ wa 4)
5. Kũsyokea Ala Mekwendeewʼa
(Ndat. 4) KŨTAVANYʼA WĨ MAŨNDŨNĨ MAKU. Ĩka ta ũũmwonyʼa vitio kuma syĩndũnĩ ila tũtũmĩaa mũno kũmanyĩsya. (lmd ĩsomo ya 8 ũndũ wa 3)
6. Kũtwʼĩkĩthya Andũ Amanyĩwʼa
(Ndat. 4) KŨTAVANYʼA KŨLA KWĨTHĨAWA ANDŨ AINGĨ. Mũkũlye kana no ende mwambĩĩe kwĩmanyĩsya Mbivilia, na ũimwonyʼa ũndũ twĩkaa ũu. (lmd ĩsomo ya 10 ũndũ wa 3)
Wathi 157
7. Ndũketĩkĩle Ũneeni Waku Wanange Mũuo
(Ndat. 15) Ũneenanyʼa na ethukĩĩsya.
Nũndũ twĩ ene naĩ, no tũneene maũndũ mathũku. (Yak 3:8) Ĩndĩ, ethĩwa tũkasũanĩaa mathĩna ala matonya kumĩla yĩla twaneena maũndũ mathũku, ũu ũkatũtetheeasya tũikawete maũndũ matonya kũtuma twĩsa kwĩlila ĩtina. Maũndũ aa maatĩĩe nĩ amwe katĩ wa ũneeni ũtonya kwananga mũuo wa kĩkundi:
-
Kwĩkathĩĩa. Ũneeni ũũ wĩthĩawa yĩla mũndũ wambĩĩa kwĩtaĩa, na kĩu no kĩtume kwĩthĩwa na masindano na kĩwĩu.—Nth 27:2
-
Kũneena ũvũngũ. Ũneeni ũũ ndũkonetye kũneena maũndũ ma ũvũngũ tũ, ĩndĩ o na nũkonetye maũndũ ala matonya kwananga mũuo. O na kũneena ũvũngũ mũnini no kũtume andũ maeka kũtũĩkĩĩa na kũitwanangĩa ĩsyĩtwa.—Mũta 10:1
-
Nzukũ. Ũũ nĩ ũneeni ũtaĩle ĩũlũ wa andũ na ũndũ mekalaa, na nĩwelelũkasya ũwʼo kana ũkavuanyʼa maũndũ moo ma kĩmbithĩ. (1Ti 5:13) No ũtume kwĩthĩwa na ngananĩo na mĩaanĩko
-
Kũneena ũthatĩte. Mũndũ mũthatu aneenaa ate kwĩsiĩĩa ndeto itonya kũũmĩsya ũla wamũthatya. (Aev 4:26) Ũneeni ũũ nũtonya kũete mosyao mathũku.—Nth 29:22
Thaũka VITIO ‘Umya’ Maũndũ Ala Manangaa Mũuo—Kalungu ka Vitio. Na ĩndĩ ũikũlya ethukĩĩsya:
-
Weemanyĩsya kyaũ ĩũlũ wa ũndũ ũneeni witũ ũtonya kwananga na mĩtũkĩ mũuo wa kĩkundi?
Nĩ kana wone ũndũ mũuo watũngĩĩiwe, ĩloele vitio ‘Mantha mũuo na ũiũatĩĩa.’
8. Ĩmanyĩsyo ya Mbivilia ya Kĩkundi
(Ndat. 30) bt ĩsomo ya 25 ¶14-21
