Kĩla mwaka, twĩthĩawa na mea ma kũtanĩa lĩu mwingĩ wa kĩ-veva ũla tũkwataa nthĩnĩ wa ũmbano mũnene wa mĩthenya ĩtatũ. Nĩ kana andũ angĩ masame ũseo wa Yeova, twĩenda kũthokya aingĩ ũndũ vatonyeka moke ũmbanonĩ ũũ. (Sav 34:8) Kĩla nzama ya atumĩa yaĩle kwĩka mĩvango mĩseo nĩ kana tũthangũ twa kũthokany’a tũnenganwe nesa.

• Ũmbano mũnene ũla kĩkundi kitũ kĩkathi ũkeethĩwa matukũ meana?

• Kambeini ĩkambĩĩa ĩndĩĩ?

• Maũmbano ma ũtavany’a kĩkundinĩ kitũ makeethĩawa ĩndĩĩ?

• Nĩvangĩte kwĩanĩsya kyaũ nthĩnĩ wa kambeini ĩsu?

• Nĩvangĩte kũthokya ũũ?

Ĩtina wa kũkethany’a na mwene nyũmba, no wasye:

“Tũendeee kũnenga andũ ĩũlũ wa nthĩ yonthe kathangũ kaa ka kũmathokya kwondũ wa ũmbano wa vata mũno. Matukũ, saa, na vala tũkombanĩa nĩsyonanĩtw’e kathangũnĩ kaa. Tũkatana mũno kwĩthĩwa vamwe naku ũmbanonĩ ũsu.”

O na kau nĩtũkwenda kũthokya andũ aingĩ ũndũ vatonyeka ũmbanonĩ ũũ mũnene, nĩtwaĩle kwĩthĩwa twĩ metho tũtetheesye andũ ala mekwendeew’a.

Wathanthatũ na Wakyumwa, no ũnengane kathangũ ka kũthokany’a vamwe na makaseti.