Ĩvinda Vaulo na Sila maĩ ove nĩmamwinĩie Ngai mbathi sya kũmũkatha. (Meko 16:25) Na ĩvinda yĩla nthĩ ya Germany yasumbĩkĩtwe nĩ kyama kya Nazi, Aklĩsto amwe moovetwe kambinĩ ya mathĩna ya Sachsenhausen nĩmainaa mbathi sya Ũsumbĩ. Ũu now’o ala matwaĩtwe Siberia meekaa. Ngelekany’o isu syĩonany’a ũndũ kwina mbathi sya Ũsumbĩ kũtonya kwĩkĩa vinya Aklĩsto ala maendeee kũthĩnw’a.

O mĩtũkĩ ĩvuku yĩĩ yeũ ya mbathi, “Sing Out Joyfully” to Jehovah, nĩyĩkumw’a na ithyomo ingĩ mbingangĩ. Twamina kũkwata ĩvuku yitũ, no ũseo tũkekĩa ndeto sya mbathi isu kĩlĩkonĩ kwa kũsinaa ĩla twĩ na ũthaithi wa mũsyĩ. (Aev 5:19) Tweeka ũu, veva mũtheu ũkatũtetheesya tũililikanae ĩla twakwatwa nĩ matatwa. Mbathi sya Ũsumbĩ no itũtetheesye twĩkalae tũlilikene wĩkwatyo witũ. No itwĩkĩe vinya ĩla twĩ matatwanĩ. Na o na ĩla tũte matatwanĩ, ndeto sya mbathi isu no itume ‘tũkĩlya wasya na ũtanu’ ĩla tũkwina, nũndũ wa ũtanu ũla wĩ ngoonĩ sitũ. (1Mav 15:16; Sav 33:1-3) Kwoou o na kweethĩwa kũilyĩ ata, ekai tũendeee kwina mbathi sitũ sya Ũsumbĩ!

SISYA VITIO YĨ NA KYONGO, WATHI WAMANENGIE ŨKŨMBAŨ, NA ĨNDĨ ŨISŨNGĨA MAKŨLYO AA MAATĨĨE:

• Nĩ maũndũ meva matumie Mwana-a-asa Frost atila wathi?

• Wathi ũsu weekĩie vinya ata ana-a-asa ala maĩ kambinĩ ya mathĩna ya Sachsenhausen?

• Mbathi sya Ũsumbĩ itonya ũkwĩkĩa vinya ĩla wakomana na maũndũ ta meva?

• Nĩ mbathi syĩva sya Ũsumbĩ ũtonya kwenda kwĩkĩa kĩlĩkonĩ?