3:1-5

Nĩkĩ Yesũ weewie woo mũno nũndũ wa maũndũ ala atongoi ma ndĩni ya Kĩyuti meekaa? Nũndũ matw’ĩkĩthĩtye Savato mũio mũito kwa kwongeleela tũmĩao tũngĩ tũte va tũĩ. Kwa ngelekany’o, masyaa kana kũaa ngala mũthenya wa Savato kwaĩ ĩvĩtyo. Mũndũ aaĩle kũiitwa mũthenya wa Savato ethĩwa thayũ wake wĩ mũisyonĩ. Ũu nĩkwonany’a kana mũndũ atũlĩka ĩvĩndĩ kana akitũka ndaaĩle kũiitwa mũthenya wa Savato. Kwa w’o, atongoi asu ma ndĩni mayathĩnĩkĩaa mũndũ ũsu waĩ na kw’oko kwau.