Ngai Akeethĩwa “Syĩndũ Syonthe kwa Onthe”
Ala methĩawa me aĩkĩĩku kwa Yeova makeethĩwa na ĩvinda ĩseo yũkĩte. Yĩla twatavya andũ ala angĩ wĩkwatyo ũla twĩthĩawa naw’o, ithyĩ ene tũendeeaa kwĩthĩwa tũte na nzika na wĩkwatyo ũsu. Mũtũmwa Vaulo nĩwathangaaisye Aklĩsto ala angĩ masũanĩae ũndũ maũndũ makethĩwa mailyĩ ĩtina wa Ũsumbĩki wa Klĩsto wa Myaka Ngili Ũmwe, yĩla Yeova ũkethĩwa “syĩndũ syonthe kwa onthe.”
Nĩ moathimo meva ma ĩvinda yũkĩte makwendeeasya mũno, na nĩkĩ?
Nĩkĩ ũte na nzika kana moathimo ala Ngai ũtwathĩte makeanĩa?