NĨKĨ NĨ ŨNDŨ WA VATA: Yeova, Mũmanyĩsya Ũla Mũnene, nĩwe ũtũmanyĩasya kwa nzĩa ĩla nzeo vyũ. Nũtũmanyĩasya ũndũ tũtonya kwĩkala nesa, na ũndũ tũtonya kwĩka nĩ kana twĩtanĩa ĩvinda yũkĩte. Na maũndũ asu onthe atũmanyĩasya vate ndĩvi! (Isa 11:6-9; 30:20, 21; Ũvu 22:17) O na ĩngĩ, Yeova nũtũmanyĩasya ũndũ tũtonya kũtavya angĩ ũvoo ũtonya kũtuma matangĩĩwa.—2Ko 3:5.

ŨTONYA KWĨKA ŨU ATA?:

• Ĩkĩa kĩthito wĩthĩwe na wĩnyivyo na ũuu.—Sav 25:8, 9

• Ĩtĩkĩla kũmanyĩw’a nĩ Yeova. Ta kwa ngelekany’o, ĩtĩkĩlaa kumya maũvoo nthĩnĩ wa maũmbano ma katĩ katĩ wa kyumwa

• Ĩthĩwa na mĩvango ya kĩ-veva.—Avi 3:13

• Ĩkĩa kĩthito nĩ kana wĩthĩwe ũtonya kũmanyĩw’a mũnango.—Avi 3:8

ĨLOELEI VITIO YĨ NA KYONGO, YEOVA NŨTŨMANYĨĨTYE TŨKETHĨWA ATHWII KĨ-VEVA, NA ĨNDĨ MŨISŨNGĨA MAKŨLYO AA:

• Nĩ mawetu meva atavany’a amwe masindie nĩ kana methĩwe matonya kũthi Sukulu ya Atavany’a ma Ũsumbĩ?

• Nĩ maũndũ meva Sukulu ya Atavany’a ma Ũsumbĩ ĩmanyĩasya?

• Ana-a-asa na eĩtu-a-asa matetheeasya ata ala matũmwa ikundinĩ syoo mamina sukulu ĩsu?

• Mũndũ aĩlĩte kwĩanĩsya maũndũ meva nĩ kana ethĩwe atonya kũthokw’a Sukulu ya Atavany’a ma Ũsumbĩ? (kr 189)

• Nĩ sukulu ingĩ syĩva ũseũvyonĩ wa Yeova ũtonya kwĩkĩa kĩthito ũthi?