Yakovo ang’ang’anie na mũlaĩka nĩ kana akwate kĩndũ kya vata mũno, nakyo nĩ ũathimo wa Yeova. (Mwa 32:24-31; Osea 12:3, 4) Naitũ nata? Nĩtũng’ang’anaa kũmwĩw’a Yeova nĩ kana atũathime? Kwa ngelekany’o, ũkewa no nginya ũnyuve katĩ wa kũthi maũmbanonĩ na kũthũkũma masaa maingangĩ wĩanĩ, we ũnyuva kyaũ? Twatũmĩa ĩvinda yitũ, vinya witũ, na syĩndũ sitũ kũmũthũkũma Yeova, akatũtulũĩla “ũathimo, mũvaka vae ũthei wa kũwĩanĩa.” (Mal 3:10) Akatũtongoesya, atũsũvĩe, na ayĩanĩsya mavata maitũ onthe.—Mt 6:33; Avl 13:5.

ĨLOELEI VITIO, ENDEEA KŨSŨANĨA MAŨNDŨ MA KĨ-VEVA, NA ĨNDĨ MŨISŨNGĨA MAKŨLYO AA:

• Mwĩĩtu-a-asa ũsu atatiwe ata nĩ ũndũ ũla wendete?

• Wĩa ũla tũthũkũmaa ũtonya kũtũlikya matatwanĩ kwa nzĩa yĩva?

• Nĩkĩ Timotheo waaĩle kwĩyĩkĩĩa mĩvango ya kĩ-veva o na e Mũklĩsto mũimu kĩ-veva?—1Ti 4:16

• Tũtonya kwĩka ata twonany’e wĩa ũla twonaa wĩ wa vata mũno kwitũ?