ĨKĨA KĨTHITO WĨTHĨWE MŨTAVANY’A MŨSEO | ŨNDŨ ŨTONYA KŨTANĨA MŨNANGO WĨA WA KŨTAVANY’A
Elesya Maũndũ Ala ma Vata Ũtũmĩĩte Ngelekany’o
Yĩla tũũsyokea andũ ala tũnatavisye ũvoo mũseo kana tũũmanyĩsya andũ Mbivilia, nĩtwaĩlĩte kũmatetheesya maelewe maũndũ ala ma vata. Yĩla twatũmĩa ngelekany’o kũelesya maũndũ ala ma vata, nĩtũkiitaa ngoo sya ala matwĩthukĩĩsye na ũyĩthĩa nĩ laisi kwoo kũlilikana maũndũ asu.
Ũyĩyũmbany’a nĩ kana ũsyokee mũndũ kana wĩmanyĩsye Mbivilia na mũndũ, nyuva maũndũ ala ma vata na ũisũanĩa ngelekany’o ila ũtonya kũtũmĩa. Na ĩndĩ ũitũmĩa ngelekany’o syĩ laisi na itonya kũeleeka na mĩtũkĩ. (Mt 5:14-16; Mko 2:21; Luk 14:7-11) O na ĩngĩ, nũseo kũsũanĩa vala ũsu ũũneena nake umĩte, na maũndũ ala wĩkaa kĩla mũthenya. (Luk 5:2-11; Yoa 4:7-15) Yĩla woona mwene nyũmba e mũtanu nũndũ nĩwaelewa nĩ ũndũ ũla mũnene ũũmũmanyĩasya, o naku nũtanaa.
ĨLOELEI VITIO, KWATA ŨTANU ŨLA WUMANAA NA KŨTW’ĨKĨTHYA ANDŨ AMANYĨW’A—AĨLANGYA ŨTŨĨKA WAKU WA KŨELESYA MAŨNDŨ ALA MA VATA ŨTŨMĨĨTE NGELEKANY’O, NA ĨNDĨ MŨISŨNGĨA MAKŨLYO AA:
-
Nĩkĩ amanyĩw’a matonya kwĩthĩwa mayenda kũtetheew’a maelewe mĩsoa mĩna ya Mbivilia?
-
Neeta atũmĩa ngelekany’o yĩva kũelesya ũw’o ũla wĩ ĩandĩkonĩ ya Alomi 5:12?
-
Ngelekany’o nzeo itonya kũtetheesya ethukĩĩsya maitũ ata?
-
Yĩla twĩ ũtavany’a, nĩkĩ nĩ ũndũ wa vata kũtũmĩa vitio na syĩndũ ingĩ sya kũmanyĩsya ila ũseũvyo wa Yeova ũtũnengete?
