Ndeto ũkany’o yonanasya kwĩyĩaĩa mũndũ, kũmũmanyĩsya, na o na ĩngĩ no yonany’e kũlũnga mũndũ. Yeova nũtũkanasya nĩ kana tũmũthaithe kwa nzĩa ĩla yaĩlĩte. (Alo 12:1; Avl 12:10, 11) Mavinda angĩ no wĩthĩwe ũte ũndũ wĩ laisi kwĩtĩkĩla ũkany’o, ĩndĩ tweeka ũu nĩtwĩtĩkĩlawa nĩ Yeova na tũikwata moathimo make. (Nth 10:7) Ala meũnengane ũkany’o na ala meũkanw’a maĩle kũlilikana maũndũ meva?

Ala meũnengane ũkany’o. Atumĩa, asyai, na andũ angĩ nĩmatataa ũndũ matonya methĩwe na ĩnee na mayonany’a wendo o ta Yeova yĩla meũnengane ũkany’o. (Yel 46:28) O na ethĩwa mũndũ ekĩte naĩ yĩana ata, ala meũnengane ũkany’o maĩlĩte kũnengane ũkany’o wĩanĩĩe na kwa nzĩa ya wendo.—Tit 1:13.

Ũla ũkũnengwa ũkany’o. O na ethĩwa wanengwa ũkany’o wa mũthemba wĩva, ndwaĩlĩte kũleana naw’o ĩndĩ nĩwaĩle kũtata ũndũ ũtonya ũũatĩĩe na mĩtũkĩ. (Nth 3:11, 12) Nũndũ twĩ ene naĩ, ithyonthe nĩtwendaa ũkany’o na tũkanaw’a kwa nzĩa syĩ kĩvathũkany’o. No tũkanw’e kwĩsĩla maũndũ ala tũsomaa Mbivilianĩ, kana ala twĩw’aa maũmbanonĩ ma kĩkundi. Kana mavinda angĩ amwe nĩmakanaw’a nĩ kamitii ya sila. Tweetĩkĩla ũkany’o ũla twanengwa, vate nzika tũkekalaa nesa ĩvindanĩ yĩĩ na tũikwata thayũ wa tene na tene ĩvindanĩ yũkĩte.—Nth 10:17.

ĨLOELEI VITIO YĨ NA KYONGO, “ALA YEOVA WENDETE NŨMAKANASYA” NA ĨNDĨ MŨISŨNGĨA MAKŨLYO AA MAATĨĨE:

• Mbeenĩ Canon aendeee ata, na mwĩkalĩle wake waalyũkile ata?

• Yeova amũkanisye ata?

• Ngewa ĩno yake yĩtũmanyĩsya kyaũ?