O ũndũ “mũminũkĩlyo” ũendeee kũthengeea now’o mathĩna mekũendeea kwongeleka. (2Ti 3:1; “mwambĩlĩlyo wa woo” maũndũ ma kwĩmanyĩsya kuma Mt 24:8, nwtsty) Mavinda kwa mavinda, andũ ma Yeova nĩmakwataa myolooto ya kũmatetheesya ĩvinda yĩla kweethĩwa mĩisyo nĩ kana maikalikye mathayũ moo mũisyonĩ. Kwoou twenda kũvonokya mathayũ maitũ ĩvinda yũkĩte nĩtwaĩlĩte kwĩthĩwa twĩ ewi kwa kwĩyũmbany’a ĩvindanĩ yĩĩ, kĩ-veva na kĩ-mwĩĩ.—Luk 16:10.

• Kwĩyũmbany’a kĩ-veva: Ĩthĩwa na mĩvango mĩseo ya kwĩmanyĩsya Mbivilia na kwĩmanyĩsya we mwene. Ĩmanyĩsye nzĩa syĩ kĩvathũkany’o sya kũtavany’a. Ndũkateleme ethĩwa kwa ĩvinda yĩana ũna ndũkethĩawa ũtonya kũkomana na ana-a-asa na eĩtu-a-asa ma kĩkundi kyenyu. (Isa 30:15) Lilikana kana ndũvathanĩtw’e na Yeova na Yesũ.—od-SW 176 ¶15-17

• Kwĩyũmbany’a kĩ-mwĩĩ: O vamwe na kwĩthĩwa na mĩvuko yĩ na syĩndũ ila sya vata, nũseo tũkombany’a syĩndũ ta lĩu ũtonya kwĩkala ĩvinda yĩasa, kĩw’ũ, ndawa, na syĩndũ ingĩ tũtonya kũtũmĩa ũndũ tũkũlw’a twĩkale mũsyĩ kwa ĩvinda yĩasa tũte kumaala.—Nth 22:3; g17.5-SW 4, 6

ĨLOELEI VITIO YĨ NA KYONGO, NĨWĨYŨMBANĨTYE KWONDŨ WA MŨISYO? NA ĨNDĨ MŨISŨNGĨA MAKŨLYO AA MAATĨĨE:

• Tũtonya kwĩyũmbany’a ata kĩ-veva kwondũ wa mũisyo?

• Nĩkĩ nĩ ũndũ wa vata . . .

  • kũĩkĩĩthya kana atumĩa nĩmesĩ vala ũĩ na kana me na namba syaku sya simũ?

  • kwĩthĩwa ũmbanĩtye syĩndũ sya kũtũmĩa ĩvinda yĩu?

  • kũneenea mĩthemba ya mĩisyo ĩla ĩtonya kumĩla na ũndũ mũtonya kwĩka yeethĩwa?

• Nĩ nzĩa syĩva itatũ tũtonya kũtũmĩa kũtetheesya andũ angĩ yĩla makwatwa nĩ mĩisyo?

ĨKŨLYE-Ĩ, ‘Nĩ maũndũ meva ũwau wa COVID-19 ũmanyĩisye ĩũlũ wa kwĩkalaa nĩyũmbanĩtye?’