ĨKĨA KĨTHITO WĨTHĨWE MŨTAVANY’A MŨSEO | ŨNDŨ ŨTONYA KŨTANĨA MŨNANGO WĨA WA KŨTAVANY’A
Kũmanyĩsya wĩ Mũthangaau
Kwĩthĩwa wĩ mũthangaau nĩkũtumaa o na andũ angĩ methĩwa me athangaau. No kũtume o na andũ angĩ matwĩthukĩĩsya. O na kwĩthĩwa wĩ mũthangaau kwonanasya kana nĩwonaa ũvoo ũla ũũtavany’a wĩ wa vata. Na o na ethĩwa tũeetwe ata kana tumĩte va, no twĩthĩwe twĩ athangaau. (Alo 12:11) Tũtonya kwĩka ũu ata?
Mbee, sũanĩa vata wa ũvoo ũla ũũtavany’a. Wĩ na kĩanda kya mwanya kya ‘kũtavany’a ũvoo mũseo wa maũndũ maseo!’ (Alo 10:15) Kelĩ, sũanĩa ũndũ ũvoo mũseo ũtonya kũtetheesya ethukĩĩsya maku. Nĩmekwenda mũno kwĩw’a ũvoo ũla ũũmatavya. (Alo 10:13, 14) Na mũthya, neena wĩ mũsanzamũku. Tũmĩa moko na ũthyũ kwonany’a kana wĩ mũsanzamũku.
ĨLOELEI VITIO, KWATA ŨTANU ŨLA WUMANAA NA KŨTW’ĨKĨTHYA ANDŨ AMANYĨW’A—AĨLANGYA ŨTŨĨKA WAKU WA KŨMANYĨSYA WĨ MŨTHANGAAU, NA ĨNDĨ MŨISŨNGĨA MAKŨLYO AA:
-
Nĩ kyaũ kyatumie Neeta aeka kwĩthĩwa e mũthangaau yĩla weemanyĩasya Mbivilia na Rose?
-
Nĩ kyaũ kyamũtetheeisye Neeta ambĩĩa kwĩthĩwa e mũthangaau ĩngĩ?
-
Nĩkĩ twaĩle kwonaa ndaĩa nzeo sya ethukĩĩsya maitũ?
-
Kwĩthĩwa twĩ athangaau kũtonya ata kũtetheesya amanyĩw’a maitũ ma Mbivilia o na andũ angĩ?
