Nĩ kana amanyĩwʼa ma Mbivilia mamwendeesye Ngai, nĩmaĩle kwĩthĩwa na mũĩkĩĩo mũlũmu. (Avl 11:6) Nĩ kana tũmatetheesye, no tũtũmĩe ĩvuku Tanĩa Thayũ Tene na Tene! Ĩvuku yĩĩ ya kwĩmanyĩsya nĩyonanĩtye maandĩko ala manene, yĩkaelesya maũndũ nesa, yĩ na makũlyo ma kũthangaasya ethukĩĩsya kwĩyĩelesya, vitio syĩũkiita ngoo, na mavisa manake. Twatetheesya amanyĩwʼa maitũ methĩwe na nguma sya Kĩklĩsto na mayĩthĩwa na ngwatanĩo nzeo na Ngai, tũkeethĩwa tũyaka na syĩndũ itatonya kũvya nĩ mwaki.—1Ko 3:12-15.

Andũ amwe maasya ti laisi kũtwʼĩka mũnyanya wa Ngai matatonya kũmwona. Kwoou nĩtwaĩle kũmatetheesya mamũmanye Yeova na maimũĩkĩĩa.

ĨLOELEI VITIO TŨMĨA ĨVUKU “TANĨA THAYŨ TENE NA TENE!” WAKE MŨĨKĨĨO NTHĨNĨ WA YEOVA, NA ĨNDĨ MŨISŨNGĨA MAKŨLYO AA MAATĨĨE:

• Twĩsĩ ata kana mwĩĩtu-a-asa ũsu nĩeĩyũmbanĩtye nesa kwondũ wa kũmanyĩsya mũmanyĩwʼa wake?

• Mwĩĩtu-a-asa ũsu atũmĩa ata makũlyo eĩnyuvĩte nesa nĩ kana atetheesye mũmanyĩwʼa aelesye woni wake ĩũlũ wa ĩandĩko ya Isaia 41:10, 13?

• Vitio na mĩsoa ya Mbivilia ĩla wasoma yatetheesya mũmanyĩwʼa ata?

Andũ aingĩ maieleawa nthembo ya wovosyo, kana maimyonaa ta mũthĩnzĩo Ngai ũnengete kĩla ũmwe witũ. (Aka 2:20) Kwoou, no nginya tũmatetheesye methĩwe na mũĩkĩĩo nthĩnĩ wa nthembo ya wovosyo ya Yesũ.

ĨLOELEI VITIO TŨMĨA ĨVUKU “TANĨA THAYŨ TENE NA TENE!” WAKE MŨĨKĨĨO NTHĨNĨ WA YESŨ, NA ĨNDĨ MŨISŨNGĨA MAKŨLYO AA MAATĨĨE:

• Twĩsĩ ata kana mwana-a-asa ũsu nĩeĩyũmbanĩtye nesa kwondũ wa kũmanyĩsya mũmanyĩwʼa wake?

• Mwana-a-asa ũsu atũmĩa ata ũvoo ũla wĩ nthĩnĩ wa kĩlungu “Maũndũ Angĩ ma Kwĩmanyĩsya” nĩ kana atetheesye mũmanyĩwʼa?

• Nĩkĩ nĩ ũndũ wa vata kũvoya kwondũ wa mũmanyĩwʼa?