Yesũ nĩwatũmĩaa maũndũ ala maendeee kwĩkĩka yĩla ũkũmanyĩsya. (Luk 13:1-5) O naku, no ũtũmĩe maũndũ ala maendeee kwĩkĩka nĩ kana ũthangaasye andũ mendeewʼe nĩ ũvoo wa Ũsumbĩ. Ĩtina wa kũweta maũndũ ta ũndũ kwĩthĩĩtwe na ũnyivu wa mbesa, mĩisyo, ithokoo, ũndũ andũ maendeee kũtũmĩa ndawa sya kũmila, na maũndũ angĩ ta asu, no ũkũlye ũla ũũneenaa nake ĩkũlyo yĩũtuma asũanĩa. Kwa ngelekanyʼo, no ũmũkũlye: “We nũkwona ta ve ĩvinda kũtakethĩwa na . . . ?” kana “We wĩona nĩ kyaũ kĩkamina . . . ?” Na ĩndĩ ũimwonyʼa mũsoa Mbivilianĩ ũneeneete ũndũ ũsu. Ethĩwa mũndũ ũsu nĩwendeewʼa, mwonyʼe vitio kana ũmũnenge ĩvuku yĩmwe katĩ wa ala tũtũmĩaa mũno kũmanyĩsya. O tũendeee kwĩkĩa kĩthito tũkiite ngoo sya andũ kĩsionĩ kitũ, tũtatei kwĩkaa “maũndũ onthe kwondũ wa ũvoo mũseo.”—1Ko 9:22, 23.

Nĩ maũndũ meva matonya kwendeesya andũ kĩsionĩ kyenyu?