Mbivilia ĩla ĩlekotiĩtwe nĩ yĩva? Nĩ ilungu ilekotiĩtwe sya Mbivilia ya Ũalyũlo wa Nthĩ Nzaũ ĩla yĩkĩtwe moalyũku. Ilungu isu niendeee kumwʼa o kavola kwa kavola kwa ithyomo mbingĩ ũndũ vatonyeka. Ũseo ũmwe wa ilungu isu sya Mbivilia nĩ kana ilekotiĩtwe andũ me kĩvathũkanyʼo. Kĩla ndeto ĩsometwe kwa nzĩa ĩla yaĩle na kwa wasya ũla waĩle, nĩ kana ũvoo ũla wĩ Mbivilianĩ wumĩlwʼe kwa nzĩa ĩla yaĩlĩte.

Andũ amwe matethekete ata nĩ Mbivilia ĩsu? Andũ aingĩ ala methukĩĩasya Mbivilia ĩsu ĩlekotiĩtwe nĩmaeleawa Ndeto ya Ngai nesanga. Yĩla meewʼa andũ ala mawetetwe Mbivilianĩ maisomwa nĩ andũ me kĩvathũkanyʼo vandũ va kũsomwa nĩ mũndũ ũmwe, nĩmakũnaa visa nesa kĩlĩkonĩ wa kĩla kyaendeee, na maielewa nesanga ũvoo ũla ũandĩkĩtwe. (Nth 4:5) O na ĩngĩ, aingĩ nĩmonaa kana kwĩthukĩĩsya Mbivilia ĩla ĩlekotiĩtwe nĩkũmakiakiasya yĩla mekwĩwʼa me na mawĩmakĩo.—Sav 94:19.

Kwĩwʼa Ndeto ya Ngai ĩsometwe na wasya no kũtũtethye mũno. (2Mav 34:19-21) Ethĩwa no ũkwate Mbivilia ĩla ĩlekotiĩtwe yĩ nima kana ĩte nima kwa kĩthyomo ũtonya kũelewa, wĩona ata ũkeka mũvango wa kũmĩthukĩĩasya kĩla ĩvinda?

ĨLOELEI VITIO, KŨSEŨVYA MBIVILIA ĨLA ĨLEKOTIĨTWE—KALUNGU KA VITIO, NA ĨNDĨ MŨISŨNGĨA ĨKŨLYO YĨĨ:

Nĩ kyaũ kyakwendeesya ĩũlũ wa ũndũ Mbivilia ĩla ĩlekotiĩtwe ĩseũvawʼa?