MWĨKALĨLE WA AKLĨSTO
We Nĩwĩyũmbanĩtye Ũndũ Kwĩthĩwa na Mathĩna ma Mbesa?
Tũitelemaa yĩla maũndũ ala maendeee ĩũlũ wa nthĩ matuma kwĩthĩwa na mathĩna ma mbesa. Nĩkĩ? Nũndũ twĩkalĩte mũthyanĩ vyũ wa mĩthenya ya mũminũkĩlyo, na Mbivilia ĩtũkanĩtye ĩkatwĩa tũikaie wĩkwatyo witũ nthĩnĩ wa “ũthwii ũla wanangĩkaa.” (1Ti 6:17; 2Ti 3:1) Ngelekanyʼo ya Mũsumbĩ Yeosavati yĩtũmanyĩsya kyaũ ĩũlũ wa kwĩyũmbanĩsya mathĩna ma mbesa kwĩ tene?
Yeosavati nĩwamwĩkwatisye Yeova vyũ yĩla wavithũkĩiwe nĩ mbaĩ syaĩ na ũmaitha nake. (2Mav 20:9-12) O na ĩngĩ, nĩwoosie matambya oombanyʼa mbaĩ ya Yuta kwĩ tene kwa kũlũlũmĩĩlya ndũa syake na kũseũvya ngome, kana kambi, sya asikalĩ. (2Mav 17:1, 2, 12, 13) O ta Yeosavati, nũseo tũmwĩkwatasye Yeova na tũyosa matambya kwĩ tene nĩ kana twĩyũmbanĩsye mawetu ala me mbee witũ.
ĨLOELEI VITIO, NĨWĨYŨMBANĨTYE KWONDŨ WA MŨISYO?, NA ĨNDĨ MŨISŨNGĨA MAKŨLYO AA:
-
Ithyĩ ene tũtonya kwĩka ata nĩ kana twĩyũmbanĩsye mũisyo?
-
Tũtonya kwĩyũmbanyʼa ata nĩ kana tũtetheesye ala angĩ?
