Matukũ 27, Mwei wa 5–Matukũ 2, Mwei wa 6
SAVULI 42-44
Wathi 86 na Mboya | Ndeto sya Kwambĩĩa (Ndat. 1)
1. Tũmĩa Nesa Maũndũ Ala Tũmanyĩawʼa Nĩ Yeova
(Ndat. 10)
Tũmĩa nesa myanya ĩla wĩ nayo ya kũmũthaitha Yeova na ala angĩ, na ethĩwa nĩvatonyeka, mwenene (Sav 42:4, 5; w06 6/1 9 ¶4)
Voya ũtanambĩĩa kwĩmanyĩsya Ndeto ya Ngai (Sav 42:8; w12 1/15 15 ¶2)
Eka ũwʼo wa Mbivilia ũkũtongoesye ũndũnĩ wʼonthe ũla ũkwĩka (Sav 43:3)
Maũndũ ala tũmanyĩawʼa nĩ Yeova nĩmatũtetheeasya kũmĩanĩsya na motato twĩ alũmu na kwĩkala kwosana na wĩvĩto witũ.—1Vt 5:10; w16.09 5 ¶11-12.
2. Ũthwii wa Kĩ-veva
(Ndat. 10)
-
Sav 42:1—Nĩ kwa nzĩa yĩva mũandĩki wa Savuli wailyĩ ta ‘ndaatai ĩkũvevaveva ĩkĩmantha tũlũsĩ twa manzĩ’? (w86 10/15 29)
-
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Sav 44:1-26 (th ĩsomo ya 11)
4. Kwambĩĩsya Ũneenanyʼa
(Ndat. 4) KŨTAVANYʼA NYŨMBA NA NYŨMBA. Mũkũlye kana no ende mwambĩĩe kwĩmanyĩsya Mbivilia. (lmd ĩsomo ya 5 ũndũ wa 5)
5. Kũsyokea Ala Mekwendeewʼa
(Ndat. 5) KŨTAVANYʼA NYŨMBA NA NYŨMBA. Thokya ũla ũũneena nake oke kwĩthukĩĩsya ũvoo wa andũ onthe. Ĩka ta ũũmwonyʼa vitio Nĩ Kyaũ Kĩendeeaa Nyũmbanĩ ya Ũsumbĩ? na mũimĩneenea. (lmd ĩsomo ya 7 ũndũ wa 5)
6. Ũvoo
(Ndat. 3) lmd ũvoo wa kwongeleela wa A ũndũ wa 4—Kyongo: Mathĩna ma Mwĩĩ Makavetwa. (th ĩsomo ya 2)
Wathi 21
7. Ĩka Motwi ma Ũĩ Ĩũlũ wa Wĩa na Kĩsomo
(Ndat. 15) Ũneenanyʼa na ethukĩĩsya.
Inywʼĩ amũika, nĩmũvangĩte ũndũ mũkeka mwamina sekondalĩ? Nĩvatonyeka ũkethĩwa ũsũanĩĩte wĩa wĩsĩ ũkakwĩtĩkĩlya ũtwʼĩke vainia. Kana noĩthwa ũsũanĩĩte kũsomea wĩa ũngĩ nĩ kana ũkwate ũtũĩka, laĩsenzi, kana valũa wa kũũtetheesya kũmantha wĩa ũsu. Yĩu nĩ ĩvinda ya vata mũno thayũnĩ waku! O na vailye ũu, no wĩwʼe wĩ mũlanĩlye nũndũ wa kĩla ũkwĩka kana nũndũ wa kũthingʼĩĩwʼa nĩ angĩ wĩke motwi ala meũmendeesya. Nĩ kyaũ kĩtonya kũũtetheesya wĩke motwi kwa ũĩ?
Somai Mathayo 6:32, 33. Na ĩndĩ ũikũlya ethukĩĩsya:
-
Nĩkĩ nũseo kwĩthĩwa ũsũanĩĩte mĩvango ya kĩ-veva ũtanamba kwĩka motwi ma vata ĩũlũ wa wĩa na kĩsomo?
-
Asyai matonya ata kũtetheesya syana syoo itũmĩe ĩandĩko ya Mathayo 6:32, 33?—Sav 78:4-7
Ĩthĩwa wĩ metho ndũketĩkĩlye nguma kana wendi wa kwĩthĩwa na mbesa ianĩtye nĩ kana ndũkaathĩne, iũtongoesye yĩla ũkwĩka motwi. (1Yo 2:15, 17) Lilikana, kwĩthĩwa na syĩndũ mbingĩ sya kĩ-mwĩĩ no kũtume mũndũ ewʼa ve vinya kũvĩtya mbee maũndũ ma Ũsumbĩ. (Luk 18:24-27) Ethĩwa mũndũ ekĩĩte kĩthito ethĩwe mũthwii, ti laisi ethĩwe na mũĩkĩĩo mũlũmu na kũsũanĩa ũndũ ũtonya kũmwendeesya Yeova.—Mt 6:24; Mko 8:36.
Thaũka VITIO Ĩsũvĩe Ndũkekwatye Syĩndũ Ikathela!—Ũthwii. Na ĩndĩ ũikũlya ethukĩĩsya:
-
Ĩandĩko ya Nthimo 23:4, 5 yĩtonya kũũtetheesya ata kwĩka motwi ma ũĩ?
8. Ĩmanyĩsyo ya Mbivilia ya Kĩkundi
(Ndat. 30) bt ĩsomo ya 10 ¶5-12
