Matukũ 6-12, Mwei wa 5
SAVULI 36-37
Wathi 87 na Mboya | Ndeto sya Kwambĩĩa (Ndat. 1)
1. “Ndũkenyamasye Nũndũ wa Ala Mekaa Naĩ”
(Ndat. 10)
Andũ athũku matumaa twĩwʼa woo na tũkathĩna (Sav 36:1-4; w17.04 10 ¶4)
Kũendeea kwoveea ũthatu nũndũ wa “ala mekaa naĩ” kũtumaa o naitũ tũũmĩa (Sav 37:1, 7, 8; w22.06 10 ¶10)
Kũĩkĩĩa mawatho ma Yeova nĩkũtumaa twĩthĩwa na mũuo (Sav 37:10, 11; w03 12/1 13 ¶20)
ĨKŨLYE-Ĩ, ‘Nyie nĩnendeeawʼa mũno nĩ kwĩloela kana kwĩthukĩĩsya maũvoo ala mekwonanyʼa maũndũ mathũku?’
2. Ũthwii wa Kĩ-veva
(Ndat. 10)
-
Sav 36:6—We mũandĩki wa Savuli ĩno atonya kwĩthĩwa oonanasya ata yĩla waelekanilye ũlũngalu wa Yeova na “iĩma sya Ngai”? (it-2 445)
-
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Sav 37:1-26 (th ĩsomo ya 10)
4. Kwambĩĩsya Ũneenanyʼa
(Ndat. 3) KŨTAVANYʼA NYŨMBA NA NYŨMBA. (lmd ĩsomo ya 1 ũndũ wa 5)
5. Kũsyokea Ala Mekwendeewʼa
(Ndat. 4) KŨTAVANYʼA WĨ MAŨNDŨNĨ MAKU. Kũlya mũndũ waleile kwĩmanyĩsya Mbivilia kana no ende mwambĩĩe kwĩmanyĩsya ĩngĩ. (lmd ĩsomo ya 9 ũndũ wa 4)
6. Ũvoo
(Ndat. 5) ijwbv 45—Kyongo: Ĩandĩko ya Savuli 37:4 Yonanasya Ata? (th ĩsomo ya 13)
Wathi 33
7. We Nĩwĩyũmbanĩtye Kwondũ wa ‘Mavinda ma Thĩna’?
(Ndat. 15) Ũneenanyʼa na ethukĩĩsya.
Ana-a-asa na eĩtu-a-asa ĩũlũ wa nthĩ yonthe nĩmaĩtye syĩndũ syoo, kana makakwʼĩĩwa nĩ endwa moo nũndũ wa mĩisyo na mathĩna ala maetetwe nĩ andũ. (Sav 9:9, 10) Ũndũ wa kũmakya nĩ kana, ‘mavinda ma thĩna’ no maumĩle tũtataĩĩe. Kwoou twaĩle kwĩkalaa twĩyũmbanĩtye kwondũ wa maũndũ ta asu.
O vamwe na kũmbanyʼa syĩndũ ila ikatũtetheeasya ĩvinda ya mũisyo, a nĩ ũndũ ũngĩ wĩva ũkatũtetheeasya tũmĩĩsye yĩla kweethĩwa mũisyo?
-
Ũmbanyʼa kĩlĩko kyaku: Manya kana mĩisyo nĩyumĩlaa, na kwoou ũisũanĩa ũndũ ũtonya kwĩka yaumĩla. Ndũkalũmanyʼe mũno na syĩndũ sya kĩ-mwĩĩ. Kĩu kĩkaũtetheesya wĩthĩwe wĩ mũĩ na ũyosa matambya ala maĩlĩte ũsũvĩe thayũ waku vandũ va kũsũvĩa syĩndũ syaku sya kĩ-mwĩĩ. (Mwa 19:16; Sav 36:9) O na ĩngĩ, ethĩwa ndũlũmanĩtye mũno na syĩndũ syaku sya kĩ-mwĩĩ, kĩu kĩkaũtetheesya kũmĩĩsya ethĩwa ũkaasya syĩndũ isu ĩvindanĩ ya mũisyo.—Sav 37:19
-
Ĩyũmbanyʼe kĩ-veva: Ĩkĩĩa vyũ ũtonyi wa Yeova na wendi wake wa kũũthĩnĩkĩa. (Sav 37:18) Mũisyo ũtanamba kwĩthĩwa, kĩla ĩvinda lilikanaa kana Yeova akatongoeasya na kũsũvĩa athũkũmi make, o na ethĩwa tũkavonokya o ‘thayũ witũ ta mũtavo.’—Yel 45:5; Sav 37:23, 24
Twaendeea kũĩkĩĩa kana Yeova akeanĩsya mawatho make, tũkamũtwʼĩkĩthya ‘ngome yitũ yĩ vinya ĩvinda ya thĩna.’—Sav 37:39.
Thaũka VITIO Nĩwĩyũmbanĩtye Kwondũ wa Mũisyo? Na ĩndĩ ũikũlya ethukĩĩsya:
-
Yeova atonya kũtũtetheesya ata mavindanĩ ma mũisyo?
-
Nĩ matambya meva twaĩle kwosa nĩ kana twĩyũmbanyʼe?
-
Tũtonya kũtetheesya ata ala makwatĩtwe nĩ mĩisyo?
8. Ĩmanyĩsyo ya Mbivilia ya Kĩkundi
(Ndat. 30) bt ĩsomo ya 9 ¶8-16
