MAŨNDŨ MA VATA KUMA NDETONĨ YA NGAI | SAVULI 34-37
Mũĩkĩĩe Yeova, na Ũkĩka Ũseo
“Ndũkamew’ĩe kĩwĩu ala mekaa mawĩa mate malũngalu”
37:1, 2
-
Ndũketĩkĩle maendeeo ma ĩvinda ĩkuvĩ ala matanĩawa nĩ andũ athũku maũvĩngĩĩse ũeke kũmũthũkũma Yeova. Ĩkalaa ũisũanĩa moathimo na mĩvango ya kĩ-veva ĩla ũkwenda kwĩanĩsya
“Mũĩkĩĩe Yeova, na ũkĩka ũseo”
37:3
-
Ĩkĩĩa kana Yeova akaũtetheeasya ĩla weethĩwa na kĩmako. O na ĩngĩ, akaũtetheesya ũendeee kwĩthĩwa wĩ mũĩkĩĩku
-
Ĩkĩa kĩthito kũtavany’a ũvoo mũseo wa Ũsumbĩ wa Ngai
“Ĩtan’ye nthĩnĩ wa Yeova”
37:4
-
Mantha ĩvinda ya kũsoma na kũsũanĩĩa kwa ũliku Ndeto ya Ngai wĩ na kĩeleelo kya kũmũmanya Yeova nesanga
“Mwiĩe Yeova nzĩa yaku”
37:5, 6
-
Ndũkethĩwe na nzika kana Yeova akaũtetheesya ũmĩanĩsye na thĩna o na wĩva
-
Endeea kwĩthĩwa na mwĩkalĩle mũseo o na ĩla wathĩnw’a, wavingwa, kana waneenewa naĩ
“Thũmũa nthĩnĩ wa Yeova, na mweteele na wũmĩĩsyo”
37:7-9
-
Ndũketĩkĩle kwĩka maũndũ na mĩtũkĩ ũtasũanĩĩte nũndũ kwĩka ũu no kũtume wĩthĩwa ũte na ũtanu na kũyananga ngwatanĩo yaku na Ngai
“Ala auu makatiĩwa nthĩ”
37:10, 11
-
Mantha ũuu, na wĩnyivĩtye endeea kũmweteela Yeova nginya ĩla wĩvetanga mathĩna ala wĩ namo
-
Tetheesya ana-a-asa, na ũimakiakisya ala me na kĩmako kwa kũmony’a watho ũla Ngai ũtwathĩte wa nthĩ nzaũ, ĩla yĩ vakuvĩ mũno
Ũsumbĩ wa Masia ũkaete moathimo maingĩ mũno
