MWĨKALĨLE WA AKLĨSTO
Ũndũ Tũtonya Kwĩthĩwa Atavany’a Aseo—Kũtũmĩa Vitio Ĩla Tũũmanyĩsya
NĨKĨ NĨ ŨNDŨ WA VATA:
Vitio nikiitaa ngoo nũndũ mũndũ eeloela na asyĩthukĩĩsya nũitanĩaa. Ũu nũtumaa mũndũ asyaĩĩsya vitio ate kwelelũkya kĩlĩko, na maũndũ ala woona nĩmalũmaa kĩlĩkonĩ. Yeova nũtwiĩe ngelekany’o nzeo kwa kũtũmĩa syĩndũ itonya kũtũtetheesya kũkũna visa kĩlĩkonĩ ĩla ũkũtũmanyĩsya.—Meko 10:9-16; Ũvu 1:1.
Vitio ii syĩ na kyongo We Ngai E Ĩsyĩtwa?, Mũandĩkĩthya wa Mbivilia Nũũ?, na Tũtonya Kũmanya Ata Kana Mbivilia Nĩ ya W’o? nĩsieleetye mũnango ĩsomo ya 2 na ya 3 nthĩnĩ wa mbulosua Ũvoo Mũseo. Nasyo vitio Nĩkĩ Waĩle Kwĩmanyĩsya Mbivilia?, Twĩkaa Ata Ĩla Tũũmanyĩsya Mũndũ Mbivilia?, na Nĩ Kyaũ Kĩendeeaa Nyũmbanĩ ya Ũsumbĩ? no itetheesye andũ mendeew’e nĩ kwĩmanyĩsya Mbivilia kana moke maũmbanonĩ maitũ. O na vitio ingĩ ndaasa twĩthĩawa nasyo no itũmĩwe ĩla tũkwĩmanyĩsya Mbivilia na mũndũ.—km 5/13 3.
ŨTONYA KWĨKA ŨU ATA?:
-
Umya tene vitio ĩla ũkwenda kwony’a mwene nyũmba
-
Ĩthĩwa na ĩkũlyo yĩmwe kana elĩ ala masũngĩĩtwe nthĩnĩ wa vitio
-
Ĩloelei vitio ĩsu mwĩ ĩmwe
-
Neeneai maũndũ ala ma vata
TATA KWĨKA ŨNDŨ ŨŨ:
-
Ony’a mwene nyũmba ũvano wa QR ũla wĩ ĩtina wa tulakiti ĩmwe katĩ wa ila twĩ nasyo, ũla ũũmũtwaa vala ve vitio Nĩkĩ Waĩle Kwĩmanyĩsya Mbivilia?
-
Ony’a mwene nyũmba vitio ĩĩ yĩ na kyongo Tũtonya Kũmanya Ata Kana Mbivilia Nĩ ya W’o? na ũimũnenga mbulosua Ũvoo Mũseo, na mũineenea ĩsomo ya 3
