Nĩkĩ twaĩlĩte kũnyuva nesa maũndũ ala tũkwĩtanĩthya namo? Kĩtumi nũndũ yĩla tũũnyuva vitio ya kwĩloela, wathi wa kwĩthukĩĩsya, kĩsese kĩla tũkwenda kũlika, ĩvuku yĩla tũkwenda kũsoma, kana ĩthaũ yĩla tũkwenda kũthaũka, twĩthĩawa tũinyuva maũndũ ala tũkwenda malike ilĩkonĩ sitũ. Kĩla twanyuva nĩkĩtonya kũtuma mwĩkalĩle witũ wĩthĩwa wĩ mũseo kana wĩ mũthũku. Ũndũ wa kũmakya nĩ kana ũmũnthĩ syĩndũ mbingĩ sya kwĩtanĩthya syĩthĩawa na maũndũ matamwendeeasya Yeova. (Sav 11:5; Aka 5:19-21) Na nũndũ wa ũu, Mbivilia ĩtwĩkĩaa vinya tũendeee kũsũanĩĩa maũndũ ala matonya kũmũetee Yeova nguma.—Avi 4:8.

ĨLOELEI VITIO YĨ NA KYONGO, NAĨLE KWĨTANĨTHYA NA MAŨNDŨ MEVA? NA ĨNDĨ MŨISŨNGĨA MAKŨLYO AA:

• Mathaũ ma kũkita ala meekawa Lomi mavw’anene ata na mathaũ amwe ma kwĩtanĩthya mekawa ũmũnthĩ?

• Ana-a-asa na eĩtu-a-asa kĩkundinĩ matonya kũtetheesya ala anini ata mamanye kũnyuva nesa maũndũ ma kwĩtanĩthya?

• Ĩandĩko ya Alomi 12:9 yĩtonya kũtũtetheesya ata yĩla tũũnyuva maũndũ ma kwĩtanĩthya?

• Nĩ maũndũ ta meva kĩsionĩ kyenyu ũtonya kwasya nĩ maseo ma kwĩtanĩthya?