KAVUKU KA KWĨMANYĨSYA KA ŨMBANO Mwei wa 7 2016
Ũndũ Ũtonya Kwasya
Maũndũ ma kwasya ĩla ũũnengane ĩkaseti ya Mũsyaĩĩsya na mbulosua na Ũvoo Mũseo Kuma kwa Ngai! Tũmĩa maũndũ asu nĩ kana ũandĩke maũndũ maku ma kũtũmĩa ũtavany’anĩ.
MAŨNDŨ MA VATA KUMA NDETONĨ YA NGAI
Mũtaĩei Yeova, Ũla Wĩthukĩĩasya Mboya
Nĩkĩ nĩ ũndũ wa vata kũmũtavasya Ngai kwĩsĩla mboya maũndũ ala ũvangĩte kwĩanĩsya? Nĩ kwa nzĩa yĩva ũtonya kwonany’a kana nũmũĩkĩĩaa Yeova ĩla ũũvoya? (Savuli 61-
MWĨKALĨLE WA AKLĨSTO
Kwĩkala Tũte na Syĩndũ Mbingĩ Nĩkũtũtetheeasya Tũmũtaĩe Ngai
Nĩ maũndũ meva ũtonya kwĩka nũndũ wa kwĩthĩwa ũte na syĩndũ mbingĩ sya kĩ-mwĩĩ? Nĩ kwa nzĩa yĩkũ ũtonya kũatĩĩa ngelekany’o ya Yesũ ya kwĩkala ate na syĩndũ mbingĩ sya kĩ-mwĩĩ?
MAŨNDŨ MA VATA KUMA NDETONĨ YA NGAI
Andũ ma Yeova nĩmethĩawa na kĩthito kwondũ wa ũthaithi wa w’o
Tũtonya kwĩmanyĩsya kyaũ kumana na kĩthito kĩla Ndaviti waĩ nakyo ũthaithinĩ? Kwĩthĩwa na kĩthito kwondũ wa ũthaithi wa w’o kũtumaa twĩka ata? (Savuli 69-72)
MWĨKALĨLE WA AKLĨSTO
No Ũtate Kwĩka Ũndũ Ũũ Mwaka Ũmwe?
Ala mekwenda kwosa ũvainia makakwata moathimo maingĩ, na makeethĩawa me eanĩe.
MWĨKALĨLE WA AKLĨSTO
Mĩvango Ĩtonya Ũkũtetheesya Wĩthĩwe wĩ Vainia wa Kĩla Ĩvinda
No ũseng’e kũmanya kana nĩ ũndũ ũtonyeka kwĩthĩwa wĩ vainia wa kĩla ĩvinda o na ethĩwa nĩwĩthĩawa na mathĩna ma mwĩĩ kana ndwĩthĩawa na ĩvinda yĩngĩ.
MAŨNDŨ MA VATA KUMA NDETONĨ YA NGAI
Lilikana Mawĩa ma Yeova
Amwe ma mawĩa ma Yeova nĩ mekũ? Na kũsũanĩa ĩũlũ wamo kũtonya kũtũtethya ata? (Savuli 74-78)
MAŨNDŨ MA VATA KUMA NDETONĨ YA NGAI
Nũũ Wĩthĩawa E wa Vata Mũno Vyũ Thayũnĩ Waku?
Mũandĩki wa Savuli ya 83 nĩwoonanisye kana Yeova nĩwe waĩ wa vata vyũ thayũnĩ wake. Tũtonya kwonany’a ata kana Yeova nĩwe wa vata vyũ thayũnĩ witũ?
