Ũndũ Ũtonya Kwasya
MŨSYAĨĨSYA
Ĩkũlyo: Tyo wĩtĩkĩlane nakwa kana ethĩwa Mbivilia nĩ Ndeto ya Ngai, nĩyaĩlĩte kũendeea kwĩthĩwa vo o na andũ makeka ata nĩ kana mamyanange?
Ĩandĩko: Isa 40:8
Ũndũ ũtonya kwasya: Ĩkaseti yĩĩ yĩ na ilungu sieleetye nesa ũndũ Mbivilia ĩtaaĩsa kwanangwa kana kũminwa nĩ andũ.
MŨSYAĨĨSYA (ĩthangũ ya ĩtina)
Ĩkũlyo: No nende kwĩw’a woni waku ĩũlũ wa ĩkũlyo yĩĩ. [Soma ĩkũlyo ya mbee nthĩnĩ wa ĩthangũ ya 16.] Andũ amwe maĩkĩĩaa kana ndĩni no kĩndũ kyambĩĩiw’e nĩ mũndũ. Namo angĩ masũanĩaa kana Ngai atũmĩaa ndĩni nĩ kana akusye andũ kwake. We wĩ na woni mwaũ?
Ĩandĩko: Yak 1:27
Ũndũ ũtonya kwasya: Kĩlungu kĩĩ nĩkĩeleetye mũnango ũndũ Mbivilia yaasya ĩũlũ wa ũndũ ũsu. No nende kũka ĩngĩ nĩ kana tũneenee maũndũ amwe me kĩlungunĩ kĩĩ.
ŨVOO MŨSEO KUMA KWA NGAI!
Ĩkũlyo: Andũ aingĩ monaa kũsoma wathani ũla wĩ Mbivilianĩ ne ũndũ ũmwe na kũsoma ĩkaseti ya maũvoo. Katĩ wa maũndũ aa mathanĩtwe Mbivilianĩ, nĩ ũndũ wĩva wĩw’ĩte kana ũkona?
Ĩandĩko: 2Tim 3:1-5
Ũndũ ũtonya kwasya: Mbulosua ĩno nĩyĩeleetye nĩkĩ maũndũ asu nĩ ũvoo mũseo kwa andũ ala mamwendete Ngai. [Neenea ĩsomo ya 1, ĩkũlyo ya 2.]
ANDĨKA MAŨNDŨ MA KŨTŨMĨA ŨTAVANY’ANĨ
Tũmĩa nzĩa ĩla yonanĩtw’e ngelekany’onĩ ila syĩ vaa ĩũlũ nĩ kana ũandĩke maũndũ maku ma kũtũmĩa ũtavany’anĩ.
