ĨKĨA KĨTHITO WĨTHĨWE MŨTAVANY’A MŨSEO | ŨNDŨ ŨTONYA KŨTANĨA MŨNANGO WĨA WA KŨTAVANY’A
Kiita Ngoo sya Ala Ũũmanyĩsya
Kũmwĩw’a Ngai kumaa ngoonĩ. (Nth 3:1) Kwoou, yĩla tũũmanyĩsya nĩtwaĩle kwĩkĩa kĩthito tũkiite ngoo sya ethukĩĩsya maitũ. Tũtonya kwĩka ũu ata?
Yĩla ũũmanyĩsya ndũkeke o kũmanyĩsya mũmanyĩw’a waku ũw’o wa Mbivilia, ĩndĩ mũtetheesye one ũndũ ũtonya kũtũmĩa maũndũ asu thayũnĩ wake, na ayĩthĩwa na ngwatanĩo nzeo na Yeova. Mũtetheesye aelewe ũndũ myolooto ya Mbivilia yonanasya nguma sya Yeova ta wendo, ũseo, na ũlũngalu. Kwa nzĩa nzeo mũkũlye makũlyo nĩ kana ũmũtetheesye ethiane ĩũlũ wa maũndũ ala ũkwĩmanyĩsya. Mũtetheesye asũanĩe ũndũ ũtonya kũtetheka aalyũla mawoni make na aekana na imanyĩo nthũku. Yĩla woona mũmanyĩw’a waku amwenda Yeova kũma ngoonĩ, ũtanu waku nĩwongelekaa.
ĨLOELEI VITIO YĨ NA KYONGO, KWATA ŨTANU ŨLA WUMANAA NA KŨTW’ĨKĨTHYA ANDŨ AMANYĨW’A—AĨLANGYA ŨTŨĨKA WAKU WA KŨKIITA NGOO SYA ALA ŨŨMANYĨSYA, NA ĨNDĨ MŨISŨNGĨA MAKŨLYO AA:
-
Nĩkĩ Neeta wamũkũlya Rose: “Nũsũanĩie kĩla tũnawetie Wakwambĩlĩĩlya?”
-
Neeta amũtetheesya Rose ata aelewe ũndũ myolooto ya Mbivilia yonanasya kana Yeova nũmwendete?
-
Twakiita ngoo ya mũmanyĩw’a witũ, ũu ũkamũthangaasya eke maendeeo
Neeta amũtetheesya Rose ata asũanĩe ũndũ ũtonya kwĩka amwony’e Ngai kana nũmwendete?
