Mũndũ wĩ na tei ethĩawa na ũtonyi wa kũmanya ũndũ andũ angĩ meũsũanĩa, mekwĩw’a, maũndũ ala mendete na ala matendete, na mavata moo. Wendi wa kũtetheesya andũ angĩ wumaa ngoonĩ, na kwoou andũ nĩmamanyaa ethĩwa nĩtũũmew’ĩa tei. Yĩla tweew’ĩa andũ angĩ tei twĩ ũtavany’anĩ, twĩthĩawa tũiatĩĩa ngelekany’o ya Yeova ũla wĩ wendo na ũthĩnĩkĩaa andũ, na ũu nũtumaa andũ menda kũmũmanya.—Avi 2:4.

Tũyonanasya kana nĩtũkwĩw’ĩa angĩ tei o yĩla tũũmamanyĩsya, ĩndĩ twĩkaa ũu o na kwĩsĩla ũndũ tũũmethukĩĩsya na ũndũ tũũneena namo. O na ĩngĩ, ũndũ ũthyũ witũ ũkwoneka na ũndũ tũũtũmĩa moko yĩla tũũneena na andũ nĩwonanasya kana twĩ na tei kana tũi naw’o. Ethĩwa nĩtũkwĩw’ĩa angĩ tei nĩtwendeeaw’a nĩmo kuma ngoonĩ. Nĩtwendaa kũmanya mũndũ ũsu endeeaw’a nĩ maũndũ meva, aĩkĩĩaa kyaũ, na akwatĩtwe nĩ maũndũ ta meva. Nĩtũmũtavasya maũndũ matonya kũmũtethya na tũimũtetheesya ĩndĩ tũimũlasimĩthasya kwĩka moalyũku. Yĩla andũ ala twatavya ũvoo mũseo meetĩkĩla tũmatetheesye, nĩtũtanĩaa mũnango wĩa wa kũtavany’a.

ĨLOELEI VITIO, KWATA ŨTANU ŨLA WUMANAA NA KŨTW’ĨKĨTHYA ANDŨ AMANYĨW’A—AĨLANGYA ŨTŨĨKA WAKU WA KWĨW’ĨA ANGĨ TEI, NA ĨNDĨ MŨISŨNGĨA MAKŨLYO AA MAATĨĨE:

• Yĩla Rose waselewa, Neeta oonany’a ata kana nũkũmwĩw’ĩa tei?

• Yĩla Rose wasya kana nũnoete mũno na kwoou mayĩĩmanyĩsya, Neeta oonany’a ata kana nũkũmwĩw’ĩa tei?

• Yĩla Rose wasya kana ndesĩ kwĩvanga nesa, Neeta eeka ata onany’e kana nũkũmwĩw’ĩa tei?