Yeova endaa mĩsyĩ yĩthĩwe na ũtanu. (Sav 127:3-5; Mũta 9:9; 11:9) Ĩndĩ o na ũu wĩ o vo, mawĩmakĩo ala tũeteawe nĩ nthĩ ĩno na mavĩtyo ma andũ ma mũsyĩ no matume twasya ũtanu witũ. Kwoou nĩ kyaũ kĩla ũmwe nthĩnĩ wa mũsyĩ ũtonya kwĩka nĩ kana atetheesye mũsyĩ wĩthĩwe na ũtanu?

Mũndũũme nũnengae kĩveti kyake ndaĩa. (1Vt 3:7) Nũtũmĩaa ĩvinda vamwe nakyo. Ndendaa kĩveti kyake kĩke maũndũ kĩtatonya, na nũtũngaa mũvea nũndũ wa kĩla kĩkaa kwondũ wake na kwondũ wa mũsyĩ woo. (Ako 3:15) Nũkyonasya kana nũkyendete na nũkĩkathaa.—Nth 31:28, 31.

Kĩveti nĩkĩmanthaa nzĩa sya kũtwʼĩĩka mũũme. (Nth 31:12) Nĩkĩmwĩnyivĩasya na nĩkĩthĩawa kĩ ngwatanĩo nake. (Ako 3:18) Kĩmũneenasya nesa na kĩwetaa maũndũ maseo ĩũlũ wake.—Nth 31:26.

Asyai nĩmatũmĩaa ĩvinda vamwe na syana syoo. (Kũt 6:6, 7) Nĩmaitavasya kana nĩmasyendete. (Mt 3:17) Yĩla meũikanyʼa, mekaa ũu kwa nzĩa ya wendo na maisyonyʼa kana nĩmeũsielewa.—Aev 6:4.

Syana iivũthasya asyai masyo na nimewʼaa. (Nth 23:22) Nieleasya asyai masyo kĩla iũsũanĩa na ũndũ ikwĩwʼa. Nĩsyĩtĩkĩlaa ũkanyʼo woo na nimanengae ndaĩa.—Nth 19:20.

ĨLOELEI VITIO, ĨTHĨWA NA ŨTANU NTHĨNĨ WA MŨSYĨ WAKU, NA ĨNDĨ MŨISŨNGĨA ĨKŨLYO YĨĨ:

Nĩ kyaũ kĩla ũmwe weeka nĩ kana mũsyĩ woo wĩthĩwe na ũtanu?