Mĩvango ya kĩ-veva nĩ maũndũ o na meva ala twĩkĩaa kĩthito twĩanĩsye nĩ kana tũmũthũkũme Yeova mũnango na tũimũtanĩthya. Mĩvango ĩsu nĩtumaa twĩthĩwa Aklĩsto aimu kĩ-veva. Kwoou, vinya na ĩvinda yĩla tũtũmĩaa kwĩanĩsya mĩvango ĩsu ti ya mana. (1Ti 4:15) Nĩkĩ twaĩle kũthianaa mĩvango yitũ mavinda kwa mavinda? Kĩtumi nũndũ maũndũ nĩmavĩndũkaa. No wĩthĩe yu tũitonya kwĩanĩsya mũvango tũnaĩ nawʼo ĩvinda ĩvĩtu. O na no twĩthĩwe twĩanĩĩtye mũvango ũsu, na ũyĩthĩa nũseo twĩyĩkĩĩe ũngĩ.

Ĩvinda yĩla ĩseo ya kũthiana mĩvango yitũ nĩ mwaka mweũ wa ũthũkũmi ũtanambĩĩa. Mwĩonata ũthaithinĩ wenyu wa mũsyĩ mũkaneenea ũndũ ũsu? Mũyĩka ũu, no mũtate kĩla ũmwe ethĩwe na mĩvango we mwene ũtonya kwĩanĩsya, kana mĩvango inywʼonthe mwĩ ta mũsyĩ mũtonya kwĩanĩsya.

Nĩ mĩvango yĩva ũtonya kwĩyĩkĩĩa maũndũnĩ aa maatĩĩe, na nĩ matambya meva ũvangĩte kwosa ũmĩanĩsye?