Matukũ 29, Mwei wa 7–Matukũ 4, Mwei wa 8
SAVULI 69
Wathi 13 na Mboya | Ndeto sya Kwambĩĩa (Ndat. 1)
1. Ũndũ Maũndũ Ala Mamũkwatie Yesũ Mathanĩtwe Nthĩnĩ wa Savuli 69
(Ndat. 10)
Yesũ nĩwamenetwe vate ũndũ mũthũku wĩkĩte (Sav 69:4; Yoa 15:24, 25; w11 8/15 11 ¶17)
Yesũ aĩ na kĩthito kwondũ wa ũthaithi wa wʼo (Sav 69:9; Yoa 2:13-17; w10 12/15 8 ¶7-8)
Yesũ nĩweethĩiwe na woo mwingĩ ngoonĩ na nĩwanengiwe mbinyu ĩvulanĩtwʼe na nyongo (Sav 69:20, 21; Mt 27:34; Luk 22:44; Yoa 19:34; g95 10/22 31 ¶4; it-2 650)
ŨNDŨ WA KŨVINDĨĨSYA: Nĩkĩ Yeova waandĩkĩthisye wathani ĩũlũ wa Masia Maandĩkonĩ ma Kĩevelania?
2. Ũthwii wa Kĩ-veva
(Ndat. 10)
-
Sav 69:30, 31—Mĩsoa ĩĩ ĩtonya kũtũtetheesya ata twaĩlangye mboya sitũ? (w99 1/15 18 ¶11)
-
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Sav 69:1-25 (th ĩsomo ya 2)
4. Ĩthĩwa na Wũmĩĩsyo—Kĩla Yesũ Weekie
(Ndat. 7) Ũneenanyʼa na ethukĩĩsya. Thaũka VITIO, na ĩndĩ mũineenea lmd ĩsomo ya 8 ũndũ wa 1-2.
5. Ĩthĩwa na Wũmĩĩsyo—Atĩĩa Ngelekanyʼo ya Yesũ
(Ndat. 8) Ũneenanyʼa na ethukĩĩsya kuma lmd ĩsomo ya 8 ũndũ wa 3-5 na “O na Ĩngĩ, Sisya.”
Wathi 134
6. Mavata ma Kĩkundi
(Ndat. 5)
7. Myolooto ya Kũtũmĩa Ũthaithinĩ wa Mũsyĩ
(Ndat. 10) Ũneenanyʼa na ethukĩĩsya.
Mwei wa 1, 2009, Ĩmanyĩsyo ya Ĩvuku ya Kĩkundi nĩyakwataniwʼe na Sukulu ya Ũthũkũmi wa Kĩtheokulasi na Ũmbano wa Ũthũkũmi syatwʼĩka ũmbano ũmwe wa katĩkatĩ wa kyumwa. Kĩu nĩkyatetheeisye mĩsyĩ kwĩvangĩĩa ũthaithi wa mũsyĩ kĩla kyumwa. Aingĩ nĩmatũngĩte mũvea nũndũ wa mũvango ũsu, ũla wavangĩtwe ũmatetheesye kũmũthengeea Yeova na kwĩthĩwa na ngwatanĩo nzeo ta mũsyĩ.—Kũt 6:6, 7.
Nĩ myolooto ta yĩva ĩtonya kũtetheesya ene mĩsyĩ methĩwe na ũthaithi wa mũsyĩ wa kwaka?
-
Ĩkaai ũthaithi wa mũsyĩ mũteũtĩĩa. Ethĩwa nĩvatonyeka, vangĩĩa ĩvinda kĩla kyumwa ya kwĩka ũthaithi wa mũsyĩ. Ethĩwa ũndũ ũtataĩĩwe nĩwaumĩla mũthenya ũla mwĩkaa ũthaithi wa mũsyĩ, vangĩĩa mũthenya ũngĩ
-
Ĩyũmbanyʼe. Neenea na mũka waku maũndũ mũtonya kwĩka, na mavinda kwa mavinda ũikũlasya syana syaku mawoni. Ti lasima ũtũmĩe ĩvinda yingĩ ũyĩyũmbanyʼa, na mũno mũno ethĩwa mũsyĩ waku nũtanĩaa kwĩka maũndũ amwe mekawa kĩla kyumwa
-
Alyũkana na maũndũ nĩ kana mũsyĩ waku ũtanĩe kĩla mũkwĩmanyĩsya. O ũndũ syana iendeee kwĩana, mavata masyo na ũtonyi wasyo nũalyũkaa. Kwoou nĩwaĩle kũĩkĩĩthya kĩla mũũneenea nĩkyatetheesya kĩla ũmwe nthĩnĩ wa mũsyĩ ethĩwe na ngwatanĩo ya vakuvĩ vamwe na Yeova
-
Ĩkĩĩthya kana vala mũkwĩmanyĩĩsya nĩvauĩtye, na nĩvekwendeesya kĩla ũmwe. Mavinda amwe, no ũvange mũkemanyĩsya mwĩ nza ĩvinda yĩla nzeve ne nzeo. Woona vaĩle, no mũthyũmũe o vanini. O na kau nũseo kũneenea mathĩna mana ala makwatĩte syana syaku, ndũkatũmĩe ũthaithi wa mũsyĩ ta mwanya wa kũsyumanyʼa kana kũikanyʼa
-
Ĩthĩwa na maũndũ me kĩvathũkanyʼo ma kwĩka. Kwa ngelekanyʼo, maũndũ amwe ũtonya kũvangĩĩa ũthaithinĩ wa mũsyĩ nĩ kwĩyũmbanĩsya kĩlungu kĩna kya ũmbano ũla ũatĩĩe, kwĩloela na kũneenea vitio kuma kĩsesenĩ kya jw.org, na kwĩka masoesi ma maũndũ ala mũkaneenea ũtavanyʼanĩ. O na kũtwʼĩka maũndũ ala mũũneenea nĩmo maĩlĩte kwĩthĩwa me ma vata Ũthaithinĩ wa Mũsyĩ, nĩvaĩle kwĩthĩwa na ĩvinda ya kĩla ũmwe kwĩmanyĩsya we mwene
Neeneai ĩkũlyo yĩĩ:
-
Ũtũmĩĩte ata myolooto ĩno ũthaithinĩ wenyu wa mũsyĩ?
8. Ĩmanyĩsyo ya Mbivilia ya Kĩkundi
(Ndat. 30) bt ĩsomo ya 13 ¶8-16, ĩsandũkũ ĩth. ya 105
