Matukũ 5-11, Mwei wa 8

SAVULI 70-72

THAŨKA

Wathi 59 na Mboya | Ndeto sya Kwambĩĩa (Ndat. 1)

MAŨNDŨ MA VATA KUMA NDETONĨ YA NGAI

1. ‘Tavya Nzyawa Ĩla Yũkĩte’ Ĩũlũ wa Vinya wa Ngai

(Ndat. 10)

Ndaviti e wa mũika nĩweeyoneie ũndũ Yeova wamũsũvĩaa (Sav 71:5; w99 9/1 18 ¶17)

Ndaviti nĩwoonie Yeova aimũtetheesya yĩla waĩ mũkũũ (Sav 71:9; g04 10/8 23 ¶3)

Ndaviti nĩweekĩie amũika vinya kwa kũmaelesya maũndũ ala weeyoneete (Sav 71:17, 18; w14 1/1 23 ¶4-5)

ĨKŨLYE-Ĩ, ‘Nĩ mũtavanyʼa wĩva kĩkundinĩ ũmũthũkũmĩte Yeova ĩvinda yĩasa nenda kũmũthokya Ũthaithinĩ Witũ wa Mũsyĩ tũneene nake?’

2. Ũthwii wa Kĩ-veva

(Ndat. 10)

Sav 72:8—Ũndũ ũla Yeova wamwathĩte Avalaamu wĩ ĩvukunĩ ya Mwambĩlĩlyo 15:18, weanĩie ata ĩvindanĩ yĩla Mũsumbĩ Solomoni wasumbĩkĩte? (it-1-E 768)

Ũsũngĩo waku
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?

Ũsũngĩo waku

3. Kũsoma Mbivilia

(Ndat. 4) Sav 71:1-24 (th ĩsomo ya 5)

ĨKĨA KĨTHITO WĨTHĨWE MŨTAVANYʼA MŨSEO

4. Kwambĩĩsya Ũneenanyʼa

(Ndat. 3) KŨTAVANYʼA NYŨMBA NA NYŨMBA. Yĩla mwene nyũmba wambĩĩsya ngananĩo, minĩĩa ũneenanyʼa kwa nzĩa nzeo. (lmd ĩsomo ya 4 ũndũ wa 5)

5. Kũsyokea Ala Mekwendeewʼa

(Ndat. 4) KŨTAVANYʼA WĨ MAŨNDŨNĨ MAKU. Endeesya ũneenanyʼa mũnaĩ nawʼo na mũndũ wa mũsyĩ ũteyũmbanĩtye kwambĩĩa kwĩmanyĩsya Mbivilia. (lmd ĩsomo ya 8 ũndũ wa 4)

6. Kũelesya Mũĩkĩĩo Waku

(Ndat. 5) Ũvoo. ijwfq 49—Kyongo: Nĩkĩ Ngũsĩ sya Yeova Syĩkĩte Moalyũku Ĩũlũ wa Momanyĩsyo Amwe Inaĩkĩĩaa? (th ĩsomo ya 17)

MWĨKALĨLE WA AKLĨSTO

Wathi 76

7. Maũndũ Mũtonya Kwĩka Ũthaithinĩ wa Mũsyĩ

(Ndat. 15) Ũneenanyʼa na ethukĩĩsya.

Ĩvinda yĩla twĩkaa ũthaithi wa mũsyĩ nĩ ya vata mũno nũndũ nĩvo syana ‘ilũngawa na ikatawa kwosana na ũndũ Yeova waĩtye.ʼ (Aev 6:4) Kwĩmanyĩsya nĩkwendaa kĩthito, ĩndĩ no kwĩthĩwe kwĩ kwa kũtanĩthya mũno, na mũno mũno yĩla syana syeethĩwa na mea ma kũmanya ũwʼo ũla wĩ Mbivilianĩ. (Yoa 6:27; 1Vt 2:2) Syokeleela maũndũ ala me ĩsandũkũnĩ “Maũndũ Amwe Mũtonya Kwĩka Ũthaithinĩ wa Mũsyĩ,” ala matonya kũtetheesya asyai maĩkĩĩthye kana Ũthaithi wa Mũsyĩ nĩweethĩwa wĩ wa kwaka na ĩvindanĩ o yĩu wĩ wa kũtanĩthya, na ĩndĩ mũineenea makũlyo aa:

Nĩ maũndũ meva katĩ wa aa ũkwenda kũtata kwĩka?

Ũsũngĩo waku
Ve ũndũ ũngĩ woona ũtonya kũũtethya?

Ũsũngĩo waku

MAŨNDŨ AMWE MŨTONYA KWĨKA ŨTHAITHINĨ WA MŨSYĨ

MBIVILIA:

Ĩthukĩĩsyei kĩlungu kĩlekotiĩtwe kya ilungu sya kũsoma Mbivilia kĩla kyumwa, kana mumanĩsye kũsoma na wasya. No mumanĩsye kũsoma, kĩla ũmwe akasoma ndeto sya mũndũ wĩ kĩvathũkanyʼo kĩlungunĩ kĩla mũũsoma Mbivilianĩ
Ũmbanyʼa makũlyo kuma ilungunĩ sya kũsoma Mbivilia sya kĩla kyumwa. Kũlya kĩla ũmwe anyuve ĩkũlyo yĩmwe na aiyĩkĩa ũkunĩkĩli. Na ĩndĩ no mũneenee kĩla mweemanyĩsya
Weta ĩkũlyo kana ũelesye ũndũ mũna, na ĩndĩ ũyĩka ũkunĩkĩli ũkwate myolooto ya Mbivilia ĩtonya kũmũtetheesya ũtũmĩĩte ĩvuku Maandĩko Matonya Kwaĩlya Mwĩkalĩle wa Mũklĩsto
Ĩkai wonanyʼo wa ngewa ĩwetetwe Mbivilianĩ
Seũvyai tũthangũ twĩ na mĩsoa yĩ kĩvathũkanyʼo ya Mbivilia kĩla kyumwa, ta ĩla yĩ ũvoonĩ wa kwongeleela wa A mbulosuanĩ Mende Andũ na Ũimatwʼĩkĩthya Amanyĩwʼa, na mũitata mũmĩkwatye. Syokeleelai ĩngĩ tũthangũ twa syumwa mbĩtu
Ĩmanyĩsyei kĩlungu kĩna ĩvukunĩ Tanĩa Thayũ Tene na Tene!
Kũlya amwe nthĩnĩ wa mũsyĩ meyũmbanyʼe kũelesya ũndũ ũmwe kuma ilungunĩ “Mosũngĩo ma Makũlyo ma Mbivilia” kana “Mĩsoa ya Mbivilia Ĩeleetwʼe,” ila syĩ ungu wa MOMANYĨSYO MA MBIVILIA kĩsesenĩ kya jw.org

MAŨMBANO:

Ũmbanyʼai kĩlungu kĩna kya ũmbano wa kĩkundi
Ĩyũmbanĩsyei kumya maelesyo, na mũitũngĩlĩĩla ĩngĩ na ĩngĩ. Sisyai maelesyo ala mũũseũvya mekua ĩvinda yĩana ata
Ĩkai masoesi ma kwina mbathi sya Ũsumbĩ
Neeneai na mũyĩka masoesi ma kĩla mũkaweta mwĩkĩe mũndũ vinya mbee kana ĩtina wa ũmbano ũla ũatĩĩe
Tũngĩlĩĩlai ĩngĩ na ĩngĩ kĩlungu kya amanyĩwʼa kĩla kĩkaumwʼa nĩ ũmwe wa mũsyĩ ũmbanonĩ wa katĩkatĩ wa kyumwa

ŨTAVANYʼA:

Ĩyũmbanyʼei kwondũ wa kũtavanyʼa nyũmba na nyũmba
Ĩyũmbanyʼe kũsyokea ala mendeewʼa
Sũanĩai ũndũ mũtonya kũtavanyʼa mwĩ maũndũnĩ menyu, na ĩndĩ mũyĩka masoesi ma ũndũ mũtonya kwambĩĩsya ũneenanyʼa kwa nzĩa nzeo
Neeneai kĩla mũtonya kwĩka nĩ kana mwongelange ũthũkũmi wenyu ĩvindanĩ ya ũmbano wa kũlilikana kĩkwʼũ kya Yesũ, kana ĩvinda yĩla mũte wĩanĩ kana sukulu

MAVATA MA MŨSYĨ:

Ĩkai masoesi ĩũlũ wa ũndũ mũtonya kwĩka yĩla ũndũ mũna waumĩla kana ũndũ mũna ũtonya kumĩla, ta ũla ũkonetye kũlea kũkwata mbau ngalĩko o na ĩmwe, kũthĩnwʼa mũno sukulu, kwĩvaanyʼa, kana kũtanĩa sikũkũ
Ĩkai masoesi, na asyai mayosa kĩanda kya syana, nasyo syana iyosa kĩanda kya asyai. Syana syĩke ũkunĩkĩli ĩũlũ wa ũndũ mũna, na ĩndĩ iyĩũneenea na asyai

MAŨNDŨ ANGĨ MŨTONYA KWĨKA:

Ĩloelei na mũineenea vulongulamu ya JW Broadcasting^®
Somai kĩlungu kĩna kana mwĩloele vitio kuma kĩsesenĩ kya jw.org, na ĩndĩ mũimĩneenea
Sũanĩai ũndũ mũna kuma ilungunĩ “Andũ ma Mũika” kana “Syana” ila syĩ ungu wa MOMANYĨSYO MA MBIVILIA kĩsesenĩ kya jw.org
Syokeleelai maũndũ manene ma ũmbano mũnene wa mĩthenya ĩtatũ, kana ũmbano wa mũthyũlũlũko
Ĩloelei kana mwĩke ũkunĩkĩli ĩũlũ wa ũndũ mũna ũkonetye wũmbi, na ĩndĩ mũineenea kĩla ũtũmanyĩasya ĩũlũ wa Yeova
Thokasyaai mwana-a-asa kana mwĩĩtu-a-asa mavinda kwa mavinda, na ĩndĩ mũineena nake amũelesye ũndũ weemanyĩisye ũwʼo na maũndũ ala ũkomanĩte namo
Ĩyĩkĩĩei mĩvango ya kĩ-veva na mũineenea ũndũ mũtonya kũmĩanĩsya
Ĩkai ũndũ mũna mwĩ vamwe, ta kwa ngelekanyʼo no mũseũvye kĩndũ kĩna kĩwetetwe Mbivilianĩ ũndũ kyailye, mũkasola mevu, kana kyati

Thaũka VITIO Endeea Kwaĩlangya Ũthaithi Wenyu wa Mũsyĩ. Na ĩndĩ ũikũlya ethukĩĩsya:

Mũũme atonya kwĩka ata aĩkĩĩthye kana mũka nĩwatanĩa ũthaithi wa mũsyĩ ĩvinda yĩla syana ite mũsyĩ?

Ũsũngĩo waku

8. Ĩmanyĩsyo ya Mbivilia ya Kĩkundi

(Ndat. 30) bt ĩsomo ya 13 ¶17-24

Ndeto sya Kũminĩĩa (Ndat. 3) | Wathi 123 na Mboya

KAVUKU KA KWĨMANYĨSYA KA ŨMBANO

Walanyʼo wa Ũmbano wa Mwĩkalĩle wa Aklĩsto na Wĩa wa Kũtavanyʼa wa Matukũ 5-11, Mwei wa 8, 2024

Kikamba