Athũkũmi onthe ma Yeova no matethye mawĩa maseo kwondũ wa Yeova na maililikanawa tene na tene. O tondũ mũsyai wĩ wendo ũtolwa nĩ maũndũ maseo ala syana syake syĩkĩte, Yeova ndesa kũlwa nĩ wĩa witũ na wendo ũla twonanasya kwondũ wa ĩsyĩtwa yake. (Mt 6:20; Avl 6:10) Vate nzika, ithyonthe twĩ ũtonyi wĩ kĩvathũkany’o na tũkwatawa nĩ maũndũ me kĩvathũkany’o. Ĩndĩ, tweeka kyonthe kĩla tũtonya ũthũkũminĩ wa Yeova, tũkeethĩawa na ũtanu. (Aka 6:4; Ako 3:23) Myaka mingĩ mĩvĩtu, ana-a-asa na eĩtu-a-asa ngili mbingĩ methĩĩtwe maithũkũma Mbetheli. We nũkwĩw’a ũtonya kwĩyumya ũkathũkũme Mbetheli? Ethĩwa ndũtonya no ũthangaasye mũndũ ũngĩ eke ũu, kana ũkatetheesya mũndũ wa mũsyĩ ũthũkũmaa Mbetheli nĩ kana aendeee na ũthũkũmi ũsu wa mwanya?

ĨLOELEI VITIO YĨ NA KYONGO, ĨYUMYE KŨTHŨKŨMA MBETHELI, NA ĨNDĨ MŨISŨNGĨA MAKŨLYO AA MAATĨĨE:

• Nĩ kyaũ kyaĩle kũtuma wenda kũthũkũma Mbetheli?

• Andũ amwe mawetete maũndũ meva ĩũlũ wa moathimo ma kũthũkũma Mbetheli?

• Mũndũ aĩle kwĩanĩsya maũndũ meva nĩ kana athũkũme Mbetheli?

• Ũtonya kwĩka ata nĩ kana wĩtwe Mbetheli?