MWĨKALĨLE WA AKLĨSTO
Ũndũ Tũtonya Kwĩthĩwa Atavany’a Aseo—Tetheesya Ala Mekwendeew’a Mokae Maũmbanonĩ
NĨKĨ NĨ ŨNDŨ WA VATA: Maũmbano nĩ matũmaa twĩthĩwa na mwanya mũseo wa ‘kũmũkumya Yeova’ na ‘kũmwinĩa.’ (Sav 149:1) Nĩtũmanyĩaw’a kwĩka kwenda kwa Ngai ĩla twĩ maũmbanonĩ. (Sav 143:10) Mavinda maingĩ andũ ala mekwendeew’a vamwe na amanyĩw’a ma Mbivilia mekaa maendeeo mũnango ĩla mambĩĩa kũka maũmbanonĩ.
ŨTONYA KWĨKA ŨU ATA?:
-
Mũthokye na mĩtũkĩ ũndũ vatonyeka. Ndwaĩle kweteela nginya ĩla mũkambĩĩa kwĩmanyĩsya Mbivilia vamwe.—Ũvu 22:17
-
Elesya mũndũ ũla ũkwendeew’a maũndũ ala ũkwona maũmbanonĩ ooka, na kĩla kĩkaneenewa maũmbanonĩ ala maatĩĩe. No ũtũmĩe syĩndũ ii ĩla ũkũthokya mũndũ ũkwendeew’a: kathangũ ka kũthokany’a ũmbanonĩ, vitio ĩla yĩ na kyongo Nĩ Kyaũ Kĩendeeaa Nyũmbanĩ ya Ũsumbĩ?, na ĩsomo ya 5 na ya 7 nthĩnĩ wa mbulosua Kwenda kwa Yeova
-
Mũtetheesye. Ũla ũkwendeew’a no ethĩwe ayenda tikiti wa kũka ũmbanonĩ kana akethĩwa ayenda kũtetheew’a kwĩkĩa ngũa nesa? Ooka ũmbanonĩ ĩkala nake nĩ kana mũtũmĩanĩe mavuku. Mũtetheesye amanyane na ala angĩ kĩkundinĩ
