Matukũ 16-22, Mwei wa 9
SAVULI 85-87
Wathi 41 na Mboya | Ndeto sya Kwambĩĩa (Ndat. 1)
1. Mboya Nĩtũtetheeasya Kũmĩĩsya
(Ndat. 10)
Mũkũlye Yeova aũtetheesye wĩthĩwe wĩ mũtanu (Sav 86:4)
Mũkũlye Yeova aũtetheesye ũendeee kwĩthĩwa wĩ mũĩkĩĩku (Sav 86:11, 12; w12 5/15 25 ¶10)
Ĩkĩĩa kana Yeova akasũngĩaa mboya syaku (Sav 86:6, 7; w23.05 13 ¶17-18)
ĨKŨLYE-Ĩ, ‘Yĩla nĩ na mathĩna, nĩnĩvoyaa mavinda maingangĩ na mboya syakwa nĩsyĩthĩawa ndaasanga?’—Sav 86:3.
2. Ũthwii wa Kĩ-veva
(Ndat. 10)
-
Sav 86:11—Mboya ya Ndaviti yĩtũmanyĩsya kyaũ ĩũlũ wa ngoo ya mũndũ? (it-1 1058 ¶5)
-
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Sav 86:1–87:7 (th ĩsomo ya 12)
4. Kwambĩĩsya Ũneenanyʼa
(Ndat. 3) KŨTAVANYʼA WĨ MAŨNDŨNĨ MAKU. Mũelesye kana nĩtwĩthĩawa na mũvango wa kwĩmanyĩsya Mbivilia na andũ, na ũimũkũlya kana no ende mwambĩĩe kwĩmanyĩsya. (lmd ĩsomo ya 3 ũndũ wa 5)
5. Kũsyokea Ala Mekwendeewʼa
(Ndat. 4) KŨTAVANYʼA WĨ MAŨNDŨNĨ MAKU. Kũlya mũndũ ũnakũeleisye kana nũkũthĩnĩka nũndũ wa ũndũ mũna ũneekĩkie kana no ende mwambĩĩe kwĩmanyĩsya Mbivilia. (lmd ĩsomo ya 7 ũndũ wa 4)
6. Kũtwʼĩkĩthya Andũ Amanyĩwʼa
(Ndat. 5) lff ĩsomo ya 15 ũndũ wa 5. Neenea vamwe na mũmanyĩwʼa mĩvango ya ũndũ ũkemanyĩsya kyumwa kyũkĩte o na kau ndũkethĩwa vakuvĩ. (lmd ĩsomo ya 10 ũndũ wa 4)
Wathi 83
7. Ndũkaeke Kwĩka Ũseo
(Ndat. 5) Ũneenanyʼa na ethukĩĩsya.
Thaũka VITIO. Na ĩndĩ ũikũlya ethukĩĩsya:
-
Nĩkĩ mavinda amwe tũtonya kwĩwʼa tũyenda kũeka kwĩka ũseo ũtavanyʼanĩ?
-
Nĩkĩ tũtaĩlĩte kũeka kwĩka ũseo?
8. Endeea Kwĩmanyĩsya Mbivilia na Andũ!
(Ndat. 10) Ũneenanyʼa na ethukĩĩsya.
We nĩwambĩĩe kwĩmanyĩsya Mbivilia na mũndũ ũtũmĩĩte mbulosua Tanĩa Thayũ Tene na Tene! mweinĩ ũũ wa kambeini ya mwanya? Ethĩwa ũu nĩwʼo vailye, no nginya wĩthĩwe wĩ mũtanu! O na ĩngĩ, nĩ ũndũ ũtonyeka ala angĩ makathangaawʼa nĩ kĩu. Kĩvathũkanyʼo na ũu, ethĩwa ndũnamba kwambĩĩa kwĩmanyĩsya Mbivilia na mũndũ, noĩthwa ũyĩkũlya ethĩwa kwa wʼo kĩthito kyaku nĩ kya vata. Ũtonya kwĩka ata ethĩwa wĩĩwʼa ũtũlĩkĩte ngoo nũndũ ndũnamba kwambĩĩa kwĩmanyĩsya Mbivilia na mũndũ?
Thaũka VITIO “Nĩtũĩkĩĩthasya Kana twĩ Athũkũmi ma Ngai Nthĩnĩ wa . . . Wũmĩĩsyo”—Yĩla Tũũtavanyʼa. Na ĩndĩ ũikũlya ethukĩĩsya:
-
Ĩandĩko ya 2 Akolintho 6:4, 6 yĩtonya kũtũtetheesya ata ethĩwa tũiũtanĩa ũtavanyʼa witũ?
-
Nĩ moalyũku meva ũtonya kwĩka ethĩwa wĩĩwʼa kĩthito kyaku kya kwambĩĩsya kwĩmanyĩsya Mbivilia na mũndũ ta kya mana?
Lilikana kana ũtanu witũ ndumanaa na amanyĩwʼa ma Mbivilia ala twakwata kana twĩmanyĩasya Mbivilia namo. Vandũ va ũu, ũtanu wumanaa na kũmanya kana Yeova nĩwendeeawʼa nĩ kĩthito kitũ. (Luk 10:17-20) Kwoou endeea kwĩkĩa kĩthito na ngoo yonthe kambeininĩ ĩno ya mwanya, ũimanya kana ‘wĩa waku ti wa mana nthĩnĩ wa Mwĩaĩiʼ!—1Ko 15:58.
9. Ĩmanyĩsyo ya Mbivilia ya Kĩkundi
(Ndat. 30) bt ĩsomo ya 15 ¶13-14, ĩsandũkũ ĩth. ya 121
