Matukũ 2-8, Mwei wa 9
SAVULI 79-81
Wathi 29 na Mboya | Ndeto sya Kwambĩĩa (Ndat. 1)
1. Onanyʼa Kana Nĩwendete Ĩsyĩtwa Ĩtheu ya Yeova
(Ndat. 10)
Ĩvathane na imanyĩo ila itamwendeeasya Yeova (Sav 79:9; w17.02 9 ¶5)
Ĩkaĩle ĩsyĩtwa ya Yeova (Sav 80:18; ijwbv 3 ¶4-5)
Yeova nũathimaa mũno ala methĩawa me ewi na monanasya kana nĩmendete ĩsyĩtwa yake (Sav 81:13, 16)
Nĩ kana mwĩkalĩle witũ ũtaĩe ĩsyĩtwa ya Yeova, no nginya tũmanyĩthye angĩ kana twĩ Ngũsĩ syake
2. Ũthwii wa Kĩ-veva
(Ndat. 10)
-
Sav 80:1—Nĩkĩ mavinda amwe ĩsyĩtwa ya Yosevu yatũmĩawa kwonanyʼa mbaĩ sya Isilaeli? (it-2 111)
-
Nĩ maũndũ meva wĩmanyĩisye kuma kĩlungunĩ kya kũsoma Mbivilia kya kyumwa kĩĩ?
3. Kũsoma Mbivilia
(Ndat. 4) Sav 79:1–80:7 (th ĩsomo ya 10)
4. Kwambĩĩsya Ũneenanyʼa
(Ndat. 1) KŨTAVANYʼA NYŨMBA NA NYŨMBA. Mũelesye kana nĩtwĩthĩawa na mũvango wa kwĩmanyĩsya Mbivilia na andũ, na ũimũkũlya kana no ende mwambĩĩe kwĩmanyĩsya. (lmd ĩsomo ya 4 ũndũ wa 4)
5. Kwambĩĩsya Ũneenanyʼa
(Ndat. 3) KŨTAVANYʼA WĨ MAŨNDŨNĨ MAKU. Mũelesye kana nĩtwĩthĩawa na mũvango wa kwĩmanyĩsya Mbivilia na andũ, na ũimũkũlya kana no ende mwambĩĩe kwĩmanyĩsya. (lmd ĩsomo ya 4 ũndũ wa 3)
6. Kwambĩĩsya Ũneenanyʼa
(Ndat. 2) KŨTAVANYʼA KŨLA KWĨTHĨAWA ANDŨ AINGĨ. Mũelesye kana nĩtwĩthĩawa na mũvango wa kwĩmanyĩsya Mbivilia na andũ, na ũimũkũlya kana no ende mwambĩĩe kwĩmanyĩsya. (lmd ĩsomo ya 3 ũndũ wa 3)
7. Kũsyokea Ala Mekwendeewʼa
(Ndat. 5) KŨTAVANYʼA NYŨMBA NA NYŨMBA. Kũlya mũndũ waleile kwĩmanyĩsya Mbivilia, ĩndĩ ũnoonanisye nũkwendeewʼa kana no ende mwambĩĩe kwĩmanyĩsya ĩngĩ. (lmd ĩsomo ya 8 ũndũ wa 3)
Wathi 10
8. ‘Makoonanyʼa Syĩtwa Yakwa Nĩ Ĩtheuʼ
(Ndat. 15) Ũneenanyʼa na ethukĩĩsya.
Satani ambĩĩie kũneena ũvũngũ ĩũlũ wa ĩsyĩtwa ya Yeova mũũndanĩ wa Eteni. Kuma ĩvinda yĩu, ũndũ ũla wa vata vyũ andũ onthe na alaĩka maĩle kũtwʼa nĩ ethĩwa nĩmeũtetea ĩsyĩtwa ya Yeova, kana maiyĩtetea.
Kwasũanĩa maũndũ amwe mathũku mũno ma ũvũngũ Satani wĩthĩĩtwe ainyaĩĩkya ĩũlũ wa Yeova. Nũmũtũlaa mũtĩ kwa kwasya kana nĩ mũsumbĩ mũthũku na ndendete andũ. (Mwa 3:1-6; Yovu 4:18, 19) Aasya kana athaithi ma Yeova maimwendete o na vanini. (Yovu 2:4, 5) O na nũtumĩte andũ milioni mbingĩ mambĩĩa kũĩkĩĩa kana Yeova tiwe wũmbĩte syĩndũ mbanake ila twonaa ĩũlũ wa nthĩ.—Alo 1:20, 21.
Maũndũ asu ma ũvũngũ matumaa wĩwʼa ata? Nĩvatonyeka makethĩwa matumaa wenda kũmũtetea Yeova! Nĩweesĩ kana andũ make makeethĩwa na wendi wa kũtetheesya kũthewʼa kwa ĩsyĩtwa yake. (Isa 29:23.) Ũtonya kũtetheesya ata?
-
Tetheesya angĩ mamũmanye Yeova na maimwenda. (Yoa 17:25, 26) Ĩthĩwa wĩyũmbanĩtye kũĩkĩĩthya angĩ kana Ngai e kwʼo na kũmamanyĩsya ĩũlũ wa nguma syake sya kwendeesya.—Isa 63:7
-
Mwende Yeova na ngoo yaku yonthe. (Mt 22:37, 38) Ĩwʼa mĩao ya Yeova, ti atĩ nũndũ nĩkũũtethya tu, ĩndĩ nũndũ wĩenda kũmũtanĩthya Yeova.—Nth 27:11
Thaũka VITIO Wendo Ndũsindawa o na Ethĩwa . . . Ũsomaa na Andũ Matanengete Ndaĩa Mĩao na Myolooto ya Ngai. Na ĩndĩ ũikũlya ethukĩĩsya:
-
Ariel na Diego mateteie ata ĩsyĩtwa ya Yeova?
-
Nĩ kyaũ kyamekĩie vinya mamũtetee Yeova?
-
Ũtonya kũatĩĩa ngelekanyʼo yoo ata?
9. Ĩmanyĩsyo ya Mbivilia ya Kĩkundi
(Ndat. 30) bt ĩsomo ya 15 ¶1-7 na ndeto sya kwambĩĩa kĩlungunĩ kya 6
