MŨSYAĨĨSYA (ĨKASETI YA KWĨMANYĨSYA) Mwei wa 12, 2017
Ĩkaseti yĩĩ yĩ na ilungu sya kwĩmanyĩsya sya kwambĩĩa Matukũ 29, Mwei wa 1–Matukũ 25 Mwei wa 2, 2018.
“Nĩnĩsĩ Akathayũũka”
Nĩ kyaũ kĩtonya kũtũĩkĩĩthya kana kũkeethĩwa na ũthayũũkyo ĩvinda yũkĩte?
“Nĩ na Wĩkwatyo kwa Ngai”
Nĩkĩ twaĩlĩte kũtalaa ũthayũũkyo katĩ wa momanyĩsyo ala manene Aklĩsto maĩkĩĩaa?
No Ũlilikane
Nũsomete nesa makaseti ma Mũsyaĩĩsya ala mela kuma? Ethĩwa nũu, sisya ũtonya kũsũngĩa makũlyo meana ata ma Mbivilia.
Makũlyo Kuma kwa Asomi Maitũ
Yo vaĩ lasima mũndũ wa mbaĩ ya Isilaeli ethĩwe na ũtiĩwa wa ũkithathi nĩ kana atw’ĩke ũmae wa Masia?
Makũlyo Kuma kwa Asomi Maitũ
Mo Aklĩsto matwaanĩte makatũmĩa IUD (“intrauterine device”) kũsiĩĩa kũkua ĩvu nĩmethĩwa maitũla myolooto ya Maandĩko?
Asyai, Tetheesyai Syana Syenyu ‘Syũĩve Kũvika Ũtangĩĩo’
Asyai aingĩ Aklĩsto nĩmekũlasya makũlyo ĩla mwanake kana mwĩĩtu woo wenda kwĩyumya amũthũkũme Yeova na aivatiswa. Matonya ata kũtetheesya nesa mwana woo oĩve kũvika ũtangĩĩo?
Amũika, “Ĩanĩsyai Ũtangĩĩo Wenyu”
O na kũtw’ĩka kũvatiswa ti ũndũ mũvũthũ, andũ ma mũika mayaĩle kũkĩa kwosa ĩtambya yĩu.
NGEWA
Nĩnĩtiĩte Syĩndũ Nĩ Kana Nĩmũatĩĩe Mwĩaĩi
Felix Fajardo aĩ o na myaka 16 ĩla watwie kũtw’ĩka mũmanyĩw’a wa Klĩsto. Yu nĩ myaka 70 mĩthelu na ndelilaa o na vanini nũndũ wa kũmũatĩĩa Mwĩaĩi kw’onthe kũla wamũtongoesya.
Syongo Ila Syaneeneiwe Makasetinĩ ma Mũsyaĩĩsya ma 2017
Syongo ii niũkũtetheesya ũkwate ilungu ila syaĩ makasetinĩ ma Mũsyaĩĩsya mwakanĩ wa 2017.
