Syĩndũ sya kwĩka ũkunĩkĩli ila syĩ vau no iũmanyĩsye maũndũ makonetye syongo mbingĩ syĩ kĩvathũkanyʼo. Syĩndũ isu nĩ ta Maelesyo ma Ndeto sya Mbivilia, Insight on the Scriptures, Ĩvuku ya Kwĩka Ũkunĩkĩli ya Ngũsĩ sya Yeova, na Fahirisi ya Vichapo.

Kasandũkũ kala kaandĩkĩtwe “Mantha” nthĩnĩ wa Watchtower LIBRARY INDANETINĨ no kaũtetheesye kũtũmĩa syĩndũ isu. Watina kasandũkũnĩ kau na ũyambĩĩa kũandĩka kĩndũ, ĩtheo wako vaumĩlaa ndeto syĩ kĩvathũkanyʼo ũtonya kũnyuva. Ũtee wa ndeto syonthe ila syakwatĩkana syĩndũnĩ sya kwĩka ũkunĩkĩli vaumĩlaa ndeto “Kyongo.”

Tata ũndũ ũũ: Ambĩĩa kũandĩka ndeto “Yelemia” kasandũkũnĩ kau ka “Mantha” (A). Tina ndeto “Yelemia” ĩla ĩatĩĩwe nĩ ndeto “Kyongo” (B). Nũkwona vaumĩla ũvoo ũmĩkonetye wĩ syĩndũnĩ syĩ kĩvathũkanyʼo sya kwĩka ũkunĩkĩli.