MŨSYAĨĨSYA (ĨKASETI YA KWĨMANYĨSYA) Mwei wa 6, 2017
Ĩkaseti yĩĩ yĩ na ilungu sya kwĩmanyĩsya sya kwambĩĩa Matukũ 31, Mwei wa 7-Matukũ, 27 Mwei wa 8, 2017.
No Ũlilikane?
Nũsomete nesa makaseti ma Mũsyaĩĩsya ala mela kuma? Ethĩwa nũu, sisya ethĩwa nũtonya kũsũngĩa makũlyo aa maatĩĩe.
Yeova Nũtũkiakiasya Mathĩnanĩ Maitũ Onthe
Nĩ mawetu amwe meva Aklĩsto matonya kũkomana namo nthĩnĩ wa mĩtwaano na mĩsyĩ yoo? Na ũkethwa wĩ na thĩna ta ũsu, ũtonya kũkwata ũkiakisyo ata kuma kwa Ngai?
Eka Ngoo Yaku Yĩkalae Vala Ve Ũthwii wa Kĩ-veva
Nĩ ũthwii wĩva twaĩle kwona wĩ wa vata, na tũtonya kwonany’a ũu ata?
No Ũtate Ndũkasisye Mũvwanĩle wa Mũndũ?
Kweethĩiwe ata ĩla mũndũũme ũmwe wa Ngũsĩ waendeeie kũea ngewa na mũndũ ũmwe wailyĩ naĩ vyũ na ũtendete kũthengeanĩa na andũ?
We no Ũtate Kũmina Ithokoo na Ũitũngĩĩa Mũuo?
Kĩla andũ mekwenda mũno nĩ mũuo. Ĩndĩ aingĩ moo mesa kwona ta meũlikĩlĩĩlwa na kũvũthw’a nĩmaetae ithokoo. Ũtonya kwĩka ata wĩvathane na ithokoo sya mũthemba ũsu?
“Ũathimwe Ũmanyi Waku”
Ndeto ii syaneeniwe nĩ Ndaviti, ũla waĩ wa mbaĩ ya tene ya Isilaeli, aikatha Avikaili. Nĩ kyaũ kyatumie Ndaviti amũkatha Avikaili, na ngelekany’o ya Avikaili ĩtonya kũtũtethya ata?
Ĩkalaa Wene Ũndũ Ũla wa Vata Vyũ Ũtũkonetye
Ũndũ ũsu mũnene ũkonetye kĩla mũndũ nĩ wĩva? Nĩkĩ nĩ ũndũ wa vata ũũmanye?
Lũmany’a na Ũsumbĩki Mũnene wa Yeova!
Ũtonya kũtetheka ata wamwĩtĩkĩla Yeova tawe waĩlĩte kũsumbĩka nthĩ yonthe?
We Nĩwĩsĩ?
Nĩkĩ Yesũ weetie ala atandĩthya mathooasya indo ĩkalũnĩ ya Yelusaleme “avutani”?
