Nĩ kana tũmwendeesye Yeova, no nginya twĩthĩwe na mũĩkĩĩo. O na vailye ũu, Mbivilia yaĩtye kana “ti andũ onthe methĩawa na mũĩkĩĩo.” (2 Ath. 3:2) Yĩla mũtũmwa Vaũlo wawetie kĩu, aneeneaa “andũ athũku” ala mamũthĩnasya. Ĩndĩ kĩla wawetie ĩũlũ wa mũĩkĩĩo nĩkĩkonetye andũ onthe. Andũ amwe nĩmatusaa kũvũthĩĩsya ũwʼo wa kana kwĩ Mũmbi, nake nĩ Ngai. (Alo. 1:20) Angĩ no masye maĩkĩĩaa kĩndũ kana mũndũ wĩ na vinya mwingangĩ. Ĩndĩ mũĩkĩĩo ta ũsu ndũtoetye kũmwendeesya Yeova.

Nĩtwaĩle kũĩkĩĩa vyũ kana Yeova e kwʼo na “nũmanengae ĩtuvi” ala me na mũĩkĩĩo mũlũmu. (Aevl. 11:6) Mũĩkĩĩo nĩ kĩlungu kĩmwe kya ũsyao wa veva mũtheu wa Ngai. Mũndũ no akwate veva ũsu amũvoya Yeova. (Luka 11:​9, 10, 13) Ũndũ ũla wa vata tũtonya kwĩka tũũkwate nĩ kũsoma Ndeto ya Ngai mbeveee. Ĩtina wa ũu, no tũvindĩĩsye kĩla twasoma na tũitata tũkĩtũmĩe. Veva ũsu no ũtũtetheesye kwĩkala kwa nzĩa ĩkwonanyʼa twĩ na mũĩkĩĩo, na kĩu nĩkĩmwendeeasya Yeova.