Asyai me na kĩanda kĩnene kya kũmanyĩsya syana syoo ĩũlũ wa Yeova. (Aev. 6:4) Nĩ kana ũseũvyo wa Yeova ũmatetheesye, nĩwumĩthĩtye syĩndũ mbingĩ. Ũtonya kũitũmĩa ata kũmanyĩsya syana syaku?

• Mantha ũvoo ũla wĩ vo. Nthĩnĩ wa JW.ORG ve syĩndũ syonthe ila iseũvĩwʼe amũika, ta ũvoo mũandĩke, vitio, na syĩndũ ingĩ ta isu. a Nĩ kana ũsyone, andĩka “Syana” kana “Andũ ma mũika” kasandũkũnĩ kala kaandĩkĩtwe “Mantha.”

• Nyuva o kĩla kyaĩlĩte mwana waku. Ũvoo ũla wĩ ungu wa kĩlungu kĩ na kyongo, “Syana,” no ũũtetheesye kũnyuva maũndũ ala maĩlĩte mwana mũnini. Nĩ kana wone maũndũ asu, mantha “Miradi ya Ibada ya Familia” nthĩnĩ wa jw.org/sw.

• Mantha ĩvinda wĩmanyĩsye maũndũ asu wĩ na mwana waku. Ndũkethĩwe na kĩmanyĩo kya kwĩkĩĩa mwana waku vitio kana kũmũtumbĩthĩsya mathangũ me na maũndũ kwĩka na ũimũtiĩa aĩ no kana ekale akwatene. Vandũ va ũu, ĩmanyĩasyei mwĩ vamwe na ũimũtetheesya ake ngwatanĩo yake na Yeova.