We Ngai Nĩwĩw’aa Mboya Syaku?
We nĩwonaa Ngai ta ũkwĩthukĩĩasya yĩla ũũvoya?
MBIVILIA ĨMANYĨASYA ATA?
Ngai nĩwĩthukĩĩasya. Mbivilia ĩtũĩkĩĩthasya ũũ: “Yeova e vakuvĩ na onthe ala mamwĩkaĩlaa, onthe ala mamwĩkaĩlaa na w’o. . . . O na akeew’a kũkaya kwoo.”—Savuli 145:18, 19.
Ngai nĩwendaa ũmũvoye. Mbivilia ĩtwĩĩte atĩĩ: “Kĩla ũndũnĩ mavata menyu nĩmatavanw’e kwa Ngai kwĩsĩla mboya, o vamwe na kwĩsũvana na kũtũnga mũvea.”—Avilivi 4:6.
Ngai nũkũthĩnĩkĩaa mũno. Ngai nĩwĩsĩ mavata maitũ na maũndũ ala meũtũthĩny’a, na nĩwendaa kũtũtetheesya. Mbivilia yaĩtye atĩĩ: “[Mwiĩei] kwĩmakĩa kwenyu kw’onthe, nũndũ nũmũthĩnĩkĩaa.”—1 Vetelo 5:7.