ŨNDŨ ŨTONYA KŨSINDA KĨMENA
1 | Ndũkethĩwe na Kyende
Kĩla Mbivilia Ĩmanyĩasya:
“Ngai nde kyende, ĩndĩ mbaĩnĩ syonthe mũndũ ũla ũmũkĩaa na wĩkaa ũla waĩle nĩwĩtĩkĩlawa nĩwe.”—MEKO MA ATŨMWA 10:34, 35.
Kĩla Yĩthĩawa Ĩyonany’a:
Yeova * Ngai ndatũtw’ĩĩaa sila kwosana na nthĩ ĩla tumĩte, ũko witũ, kĩkonde kitũ, kana kĩthĩo kitũ. Ĩndĩ asiasya kĩndũ kĩla kya vata vyũ, nakyo nĩ kĩla kĩ kĩlĩkonĩ na ngoonĩ sitũ. Mbivilia yaĩtye: “Mũndũ asiasya mũvw’anĩle wa ũtheinĩ, ĩndĩ Yeova asiasya ngoonĩ.”—1 Samueli 16:7.
Ũndũ Ũtonya Kwĩka:
O na kũtw’ĩka tũitonya kũsoma ngoo, no tũatĩĩe ngelekany’o ya Ngai kwa kwĩthĩwa tũte na kyende. Tata ndũkasilĩle mũndũ aĩ nũndũ nĩ wa kĩkundi kĩna kya andũ. Wamanya kana nĩwĩthĩawa na mawoni mataĩlĩte ĩũlũ wa angĩ, ta andũ ma ũko ũngĩ kana ma nthĩ ĩngĩ, mũvoye Ngai aũtetheesye ũvetange vyũ mosũanĩo asu kĩlĩkonĩ. (Savuli 139:23, 24) Wamũvoya kuma ngoonĩ aũtetheesye wĩthĩwe ũte na kyende, ndakalea kũũtetheesya.—1 Vetelo 3:12.
^ kal. 6 Yeova nĩyo ĩsyĩtwa ya Ngai.—Savuli 83:18.
“Ndyaĩ naakomana na mũndũ wa kĩkonde kyeũ tũkew’ana . . . Ĩndĩ yu naĩ nĩnatw’ĩka ũmwe wa ana-a-asa maumĩte isionĩ syĩ kĩvathũkany’o ĩũlũ wa nthĩ, ĩndĩ mendanĩte kuma ngoonĩ.”—TITUS
