Ngai ndaaũmba Ndevili. Ĩndĩ, Ngai oombie mũlaĩka mũseo ũla ĩtina wanyuvie kũtw’ĩka Ndevili, ũla ĩngĩ wĩtawa Satani. Yesũ oonanisye kana ve ĩvinda Ndevili waĩ mũlũngalu na waũngamĩte nthĩnĩ wa ũla w’o. Kwoou, mwambĩlĩlyonĩ Ndevili aĩ mũlaĩka mũlũngalu e mwana wa Ngai.—Soma Yoana 8:44.

Mũlaĩka ũla watw’ĩkie Ndevili anyuvie kũmũlea Ngai na atuma asyai maitũ ma mbee mamũlea Ngai. Kwoou, nĩwe weetw’ĩkĩthisye Satani, ĩsyĩtwa yĩla yoonanasya “Mũvinganĩsya.”—Soma Mwambĩlĩlyo 3:1-5; Ũvuan’yo 12:9.

O ta syũmbe ila ingĩ syĩ kĩlĩko sya Ngai, mũlaĩka ũla watw’ĩkie Ndevili aĩ na ũthasyo wa kũnyuva kwĩka ũla ũseo kana kwĩka ũla ũthũku, ĩndĩ eethĩwa na ĩtomo ya kũthaithwa. Endaa mũno kũkwata ndaĩa kwĩ kũmwendeesya Ngai.—Soma Mathayo 4:8, 9; Yakovo 1:13, 14.

Ndevili ethĩĩtwe ayasya andũ ata? We nĩwaĩle kũmũkĩa? Nũtonya kũkwata mosũngĩo ma makũlyo asu Mbivilianĩ.