Mbivilia yĩ na ũvoo wa Ngai kwondũ witũ. Ĩtũtetheeasya kũmanya ũndũ tũtonya kwĩkala nesa na ũndũ tũtonya kũmwendeesya Ngai. O na ĩngĩ, nĩtũtetheeasya kũkwata mosũngĩo ma makũlyo aa maatĩĩe:

Mbivilia yĩ na mavuku 66. Yaanĩtw’e kũndũ kwĩlĩ: Maandĩko ma Kĩevelania na Kĩalamu (“Ũtianĩo Mũkũũ”) na Maandĩko ma Kĩkiliki (“Ũtianĩo Mweũ”). Kĩla ĩvuku ya Mbivilia yĩthĩawa na ilungu na mĩsoa. Ĩla ĩandĩko yoonanw’a, namba ya mbee ĩla yĩthĩawa yĩandĩkĩtwe ĩtina wa ĩsyĩtwa ya ĩvuku yu yonanasya kĩlungu, na namba ila iatĩĩe syonanasya mĩsoa. Kwa ngelekany’o, Mwambĩlĩlyo 1:1 yonanasya ĩvuku ya Mwambĩlĩlyo kĩlungu kya 1, mũsoa wa 1.