“Mwaũĩe Yeova mũio waku, nake akakũtw’ĩĩka: Ndakaeka ala alũngalu mathingithangw’e o na ĩndĩĩ.”

Savuli 55:22

“Mosũanĩo ma ala athingu maelete wingĩnĩ wa syĩndũ; ĩndĩ kĩla mũndũ ũla wĩkalaataa ekalaataa kũvika akaĩwe tũ.”

Nthimo 21:5

“Ndũkakĩe, nũndũ nĩ vamwe naku; ndũkateve, nũndũ nyie nĩ Ngai waku; ngakwĩkĩa vinya; ĩĩ, ngakũtethya; ĩĩ, ngakũũngamya na kw’oko kwa aũme kwa ũlũngalu wakwa.”

Isaia 41:10

“Na nũũ kwenyu ũla ũtonya kwondũ wa kwĩmakĩa kwake kwĩyongeleela ũasa [wa thayũ] wake mũkono ũmwe?”

Mathayo 6:27

“Mũikemakĩe ĩndĩ ũndũ wa ũnĩ; nũndũ ũnĩ ũkeemakĩa e w’o. Mũthenya nĩwĩanĩwe nĩ ũthũku waw’o.”

Mathayo 6:34

 ‘Ĩtĩkĩla maũndũ ala maseo [kana, ma vata] mbee.’

Avilivi 1:10

“Mũikemakĩe kwa ũndũ o na wĩva; ĩndĩ kĩla ũndũnĩ mavata menyu nĩmatavanw’e kwa Ngai na kũvoya na kwĩsũva vamwe na kũtũnga mũvea. Na mũuo wa Ngai, ũla ũvĩtũkĩte ũmanyi w’onthe, ũkasũvĩaa ngoo syenyu na mosũanĩo menyu nthĩnĩ wa Klĩsto Yesũ.”

Avilivi 4:6, 7