“Ĩvuku yĩĩ ya mĩao yĩtikaaume kanyw’anĩ waku, ĩndĩ wĩmĩsũanĩaa mũthenya na ũtukũ, nĩ kana ũsũvĩe wĩke kwĩanana na w’onthe ũla ũandĩkĩtwe nthĩnĩ wayo: nũndũ nĩvo ĩndĩ wĩaĩlya nzĩa yaku, na nĩvo wĩĩka na kĩlĩko.”

Yosua 1:8

“Na masoma ĩvukunĩ, o mĩaonĩ ya Ngai, na wasya mũseo; na moonan’ya ũalyũlo, na ĩndĩ mamanya ũndũ masomewe.”

Neemia 8:8

“Kũathimwa nĩ mũndũ ũla ũtaendaa ũtaonĩ wa ala athũku . . . , ĩndĩ ũtanu wake wĩ mĩaonĩ ya Yeova; na asũanĩaa mĩao yake mũthenya na ũtukũ. . . . Na ũndũ o na wĩva wĩkaa nĩwaĩlaa.”

Savuli 1:1-3

“Na Vilivu asemba vala ũĩ, na eew’a aisoma ĩvuku ya mwathani Isaia, na amũkũlya, Nũũmanya ũu ũũsoma? Nake amũsũngĩa, Nĩmanya ata ndeũtongoew’a nĩ mũndũ?”

Meko ma Atũmwa 8:30, 31

 “Nũndũ syĩndũ syake ila ĩtonekaa kuma nthĩ yoombwa nikwoneka nesa, ikĩmanyĩka ũndũ wa ila syoombiwe, nasyo nĩ vinya wake wa tene na tene na Ũ-Ngai wake; nĩ kana methĩwe mate na wĩmilo.”

Alomi 1:20

“Ĩthĩwa na ũthangaau maũndũnĩ aa; ĩnengane kwamo vyũ; nĩ kana kũendeea na mbee kwaku kwĩthĩwe kwĩ kwoneku kwa onthe.”

1 Timotheo 4:15

“Nĩtũlilikanan’ye ithyĩ kwa ithyĩ kũthangaan’ya wendonĩ na mawĩanĩ maseo; tũtekũeka kũmbana kwitũ vamwe.”

Aevelania 10:24, 25

“Ĩndĩ ethĩwa ũmwe wenyu nũtielye ũĩ, namũvoye Ngai, ũla ũnengae andũ onthe na ũlau na ndeũkan’ya; nake akanengwa.”

Yakovo 1:5