“O ta ũu aũme namo nĩmaĩlwe nĩ kũsyenda iveti syoo o ũndũ mendete mĩĩ yoo ene. Ũla wendaa kĩveti kyake eyendaa mwene: nũndũ vai mũndũ waamena mwĩĩ wake o na ĩndĩĩ; ĩndĩ nĩwũnengae lĩu na kũũsũvĩa . . . Ĩndĩ kĩla mũndũ wenyu nakyende kĩveti kyake o ũndũ wĩyendete mwene.”

Aeveso 5:28, 29, 33

“Inyw’ĩ aaĩthe, mũikathatye syana syenyu: ĩndĩ ieei na mosilĩlo na motao ma Mwĩaĩi.”

Aeveso 6:4

“Kĩveti nĩkĩmũkĩe mũũme.”

Aeveso 5:33

“Iveti, ĩnyivĩsyei aũme menyu, ũndũ waĩle nthĩnĩ wa Mwĩaĩi.”

Akolosai 3:18

“Syana, mew’ei ala mamũsyaie nthĩnĩ wa Mwĩaĩi: nũndũ ũu nĩw’o waĩle. Taĩa au na mwenyu (naw’o nĩ mwĩao wa mbee wĩ na watho), nĩ kana kwĩthĩwe ũseo kwaku, na wĩkale mũno kũũ nthĩ.”

Aeveso 6:1-3

“Syana, mew’ei asyai menyu maũndũnĩ onthe, nũndũ ũu nĩwendeeasya nthĩnĩ wa Mwĩaĩi.”

Akolosai 3:20