“We ũla wĩw’aa mboya, mĩĩ yonthe ĩkooka kwaku.”

Savuli 65:2

“Ĩkĩĩa Yeova na ngoo yaku yonthe, na ndũkekwatye ũmanyi waku mwene: mĩendelenĩ yaku yonthe mũkũsĩĩe we, na akaũlũngalĩlya nzĩa syaku.”

Nthimo 3:5, 6

“Na thayũ ũtathela nĩw’o ũũ, nĩ kana makũmanye we Ngai ũla wa w’o weka, na ũla wamũtũmie, nake nĩ Yesũ Klĩsto.”

Yoana 17:3

“[Ngai] nde kũasa na kĩla ũmwe waitũ.”

Meko ma Atũmwa 17:27

“Ũũ nĩw’o nĩvoyaa, kana wendo wenyu wingĩve mũno mbee nthĩnĩ wa ũmanyi na ũĩ w’onthe.”

Avilivi 1:9

 “Ethĩwa ũmwe wenyu nũtielye ũĩ, namũvoye Ngai, ũla ũnengae andũ onthe na ũlau na ndeũkan’ya; nake akanengwa.”

Yakovo 1:5

“Mũthengeei Ngai, nake akamũthengeea inyw’ĩ. Thambyai moko menyu, inyw’ĩ athe; na mũithesya ngoo syenyu, inyw’ĩ mwĩ na mĩtwe ĩlĩ.”

Yakovo 4:8

“Kũmwenda Ngai nĩ kũũ, tũkwatae mĩao yake: na mĩao yake ti mĩito.”

1 Yoana 5:3