ĨKŨLYO YA 7
Nĩ Maũndũ Maũ Mbivilia Yathanie Ĩũlũ wa Ĩvinda Yitũ?
“Mbaĩ ĩkookĩlĩla mbaĩ, na ũsumbĩ ũkookĩlĩla ũsumbĩ . . . Ĩndĩ maũndũ asu onthe nĩ wambĩlĩlyo wa woo.”
“Athani aingĩ ma ũvũngũ makookĩla, na makamasya aingĩ.
Na kwondũ wa ũthũku kwingĩva, wendo wa aingĩ ũkavoa.”
“Na yĩla mũkew’a ũvoo wa makaũ na mawetango ma makaũ, mũikaũũye: maũndũ asu mati ndĩi ya ũlea kwĩkĩka; ĩndĩ mũminũkĩlyo ndũnamba ũvika.”
“Na kũkeethĩwa itetemo nene sya nthĩ, na mayũa na mĩimũ kũũ na kũũ; na kũkeethĩwa motĩsyo na mawonan’yo manene makyuma ĩtunĩ.”
“Mĩthenyanĩ ya mũminũkĩlyo kũkeethĩwa mavinda ma mũisyo. Nũndũ andũ makeethĩwa makĩyenda ene, makyenda mbesa, makĩkathĩĩa, na kwĩtaĩa, na kũumana, matew’aa asyai, mate mũvea, mate atheu, mate na wendo waĩle, mate na wĩw’ano, ailĩanĩli, mate na wĩting’o, ai, matendete ũseo, akaĩi, me na ngũlũ, me na mĩyimbyo, endi ma motanu ma nthĩ mbee wa kũmwenda Ngai; me na mũvw’ano wa kĩkĩo kwa Ngai, ĩndĩ nĩmakaĩĩte vinya wakyo.”
