Yĩla Aisilaeli maĩ ũkombonĩ Mbaviloni, mũĩkĩĩo woo nĩwatatiwe mũno. Satalaki, Mesaki, na Aveti-neko nĩmekiw’e ikonĩ yakanĩte mwaki mũvyũ vyũ, ĩndĩ Ngai amatangĩĩa. Ĩtina, Mbaviloni yamina kũsindwa nĩ Ametia na Avelisia, Ndanieli ekw’a ĩimanĩ ya mĩnyambũ, ĩndĩ Ngai amũsũvĩa kwa kũtumya makanyw’a ma mĩnyambũ ĩsu.

Ĩtina vyũ, Kulusi mũsumbĩ wa Avelisia, nĩwamathaisye Aisilaeli. Namo masyoka kwoo myaka 70 ĩtina wa kũtwawa me ngombo Mbaviloni. Ũndũ ũmwe katĩ wa maũndũ ma mbee ala meekie masyoka Yelusaleme nĩkwambĩĩa kwaka ĩkalũ ya Yeova. Ĩndĩ o mĩtũkĩ amaitha maũngamya wĩa woo. Kwoou maminie kwaka ĩkalũ ta myaka 22 ĩtina wa kũsyoka Yelusaleme.

Na ĩndĩ, nĩtũkwĩmanyĩsya ĩũlũ wa kyalo kya Esala kya kũsyoka Yelusaleme akanakavye ĩkalũ. Aendie kũu myaka 47 ĩtina wa ĩkalũ kwakwa. Na ĩndĩ, myaka 13 ĩtina wa kyalo kya Esala, Neemia atetheesya kwaka ĩngĩ mokũta ma Yelusaleme ala maĩ maombokangu. Kwoou kĩlungu kya KATANO kĩeleetye isitoli ya myaka 152 kũvika ĩvinda yĩĩ yitũ.