ĨSOMO YA 18
Kũtetheesya Ethukĩĩsya Makwate Ũmanyi
1 Akolintho 9:19-23
KWA ŨKUVĨ: Tetheesya ethukĩĩsya maku masũanĩe, na mayĩw’a nĩmeemanyĩsya kĩndũ kya vata.
ŨNDŨ ŨTONYA KWĨKA ŨU:
-
Sũanĩa maũndũ ala ethukĩĩsya maku mesĩ. Vandũ va kũtũngĩlĩĩla maũndũ ala ethukĩĩsya maku mesĩ, matetheesye mone ũndũ ũla ũũneenea kwa nzĩa yĩ kĩvathũkany’o.
-
Ĩka ũkunĩkĩli na ũisũanĩa. Ethĩwa nĩvatonyeka, no ũtũmĩe maũndũ matesĩkĩe mũno kana maũndũ ala maendeee kwĩkĩka nĩ kana ũelesye maũndũ ala ma vata. Sũanĩa mũno ĩũlũ wa ũvoo waku na ũndũ ũkonanĩtye na maũndũ ala ũkwenda kũweta.
-
Ony’a ethukĩĩsya ũndũ ũvoo waku ũtonya kũmatethya. Elesya ũndũ Maandĩko matonya kũtetheesya ethukĩĩsya. Neenea maũndũ, mawoni, na meko ala makonetye ethukĩĩsya maku.
