Tetheesya ethukĩĩsya maku meyĩosye. Kũlya makũlyo mate na vata wa kũsũngĩwa nĩ kana ũtetheesye ethukĩĩsya maku meyĩosye.

Tetheesya ethukĩĩsya maku maendeee kwĩka maũndũ ala maĩle. Mekĩe vinya ethukĩĩsya maku masũanĩe nĩkĩ mekaa maũndũ maseo. Matetheesye mekae maũndũ ala maĩle me na kĩeleelo kĩla kĩseo vyũ, nakyo nĩ: kũmwenda Yeova, kwenda andũ ala angĩ, na kwenda momanyĩsyo ma Mbivilia. Sũanĩa maũndũ na ethukĩĩsya maku; ndũkaneene namo ta ũũmasomea, kana ta ũũmatetya. Vandũ va kũmekĩĩthya nthoni, mathangaasye ũiminĩĩa ũvoo waku na ũimekĩa vinya meke kyonthe kĩla matonya.

Tetheesya ethukĩĩsya masũanĩe ĩũlũ wa Yeova. Onany’a ũndũ maũndũ ta momanyĩsyo ma Mbivilia, myolooto, na mĩao monanasya nguma sya Ngai na ũndũ we ũtwendete. Tetheesya ethukĩĩsya maku mendeew’e nĩ kũsũanĩa woni wa Yeova na ũndũ matonya kũmwendeesya.