ĨSOMO YA 8
Ngelekany’o Itonya Kũmanyĩsya Nesa
Mathayo 13:34, 35
KWA ŨKUVĨ: Manyĩsya nesa kwa kũtũmĩa ngelekany’o syĩ laisi, itonya kwendeesya ethukĩĩsya maku na itonya kũmatetheesya maelewe maũndũ ala ma vata.
ŨNDŨ ŨTONYA KWĨKA ŨU:
-
Tũmĩa ngelekany’o syĩ laisi. O ta Yesũ, tũmĩa ngelekany’o syĩ laisi kũelesya maũndũ me vinya kũeleeka. Ndũkongeleele mautĩĩo matonya kũtuma ngelekany’o yaku yĩthĩwa yĩ vinya kũeleeka. Eka maũndũ ala ũũweta ngelekany’onĩ yaku methĩwe mosanĩte na kĩla ũũmanyĩsya, nĩ kana ilĩko sya ethukĩĩsya maku iikelelũke moona maũndũ ala ũũneena matekwosana.
-
Sũanĩa ethukĩĩsya maku. Nyuva ngelekany’o ikwonany’a maũndũ ala ethukĩĩsya maku mekaa na maũndũ ala mamendeeasya. Ĩthĩwa wĩ metho nĩ kana ngelekany’o ila ũũtũmĩa iikese kũtuma ethukĩĩsya maku mew’a nthoni kana mathata.
-
Kindĩlĩĩla ũndũ ũla wa vata. Yĩla ũũtũmĩa ngelekany’o, neenea maũndũ ala manene na ti o tũmaũndũ tũla tũnini. Tetheesya ethukĩĩsya maku methĩwe matonya kũlilikana ngelekany’o ĩla watũmĩa vamwe na ũndũ ũla mekwĩmanyĩsya kumana nayo.
